Dikitsiso
◼ Dikgatiso tse di tsamaisiwang ka August: Go ka tsamaisiwa epe fela ya diboroutšhara tse di latelang tsa ditsebe tse 32: A o Tshwanetse Wa Dumela Tharonngwe?, A Ruriruri Modimo O Amega ka Rona?, Fa Mongwe Yo o Mo Ratang a Tlhokafala, Itumelele Botshelo mo Lefatsheng ka Bosakhutleng!, Leina la Modimo Leo Le Tla Nnelang Ruri, Meya ya Batho Ba Ba Suleng—A E Ka go Thusa Kana E Ka go Gobatsa? A Totatota E A Tshela?, Nnang lo Disitse!, le Puso Eo E Tla Tlisang Paradaise. September: Totatota Baebele e Ruta Eng? Leka ka natla go simolola dithuto tsa Baebele mo loetong lwa ntlha. Fa beng ba matlo ba setse ba na le buka eno, ba bontshe kafa e ka ba solegelang molemo ka gone ka go ba bontsha ka bokhutshwane kafa thuto ya Baebele e tshwarwang ka gone. October: Dimakasine tsa Tora ya Tebelo le Tsogang! November: Ithute mo Morutising yo Mogolo.
◼ Molebedi yo o okamelang o tshwanetse go romela diakhaonto tsa phuthego tsa June, July, le August kwa ofising ya lekala ka bonako jo bo kgonegang fa August e sena go fela. Ga go kitla go tlhokega gore lo tlhatlhobe diakhaonto pele ga lo di romela. Lo tshwanetse go romela le diteitemente tsotlhe tsa banka. Ka fa ntle ga enfelopo kwalang gore di ya kwa Accounting Office—PBO Registration.
◼ Bagolwane ba gakololwa gore ba latele ditaelo tse di mo tsebeng ya 21-3 tsa makasine wa Tora ya Tebelo ya April 15, 1991, malebana le go etela batho ba ba kgaotsweng kgotsa ba ba itomolotseng ba ba ka tswang ba batla go boela mo phuthegong.
◼ Diphuthego di tshwanetse go simolola go otara 2008 Calendar of Jehovah’s Witnesses le 2008 Yearbook of Jehovah’s Witnesses mo kopong ya tsone ya dibuka e e latelang. Tseno ke dilwana tsa otara e e kgethegileng mme di tshwanetse go otariwa fela fa go na le batho bangwe ba ba di otarileng. Go fitlha dilwana tseno di nna gone, di tla tlhaga di kwadilwe “Ga di Ise di Romelwe” mo lenaaneng la dilwana tse di romelelwang diphuthego. Go tshwanetse ga dirwa kitsiso mo phuthegong pele ga otara ya dibuka ya dilwana tseno e romelwa. Baboledi ga ba a tshwanela go diega go kwadisa diotara tsa bone kwa khaontareng ya dibuka mme mookamedi wa dibuka o tshwanetse go romela otara ya dibuka kwa ofising ya lekala ka bonako. Molebedi yo o okamelang o tshwanetse go tlhomamisa gore diotara tseno di romelwa ka bonako. Go tlhokega gore dilo di rulaganngwe sentle. Ga go kitla go dirwa dithulaganyo tse di kgethegileng tsa gore dibuka di romelwe ka bonako kgotsa di tle go tsewa mo Bethele. Molebedi wa tirelo o tshwanetse go tlhomamisa gore phuthego e otara fela palo e di tla e dirisang.
◼ Diphuthego ga di tlhoke go otara bukana ya Go Tlhatlhoba Dikwalo ka Malatsi Otlhe ya 2008 e re ka di tla romelelwa diphuthego go ya ka dipuo le palo e di amogelang Tirelo ya Rona ya Bogosi ka tsone. Le fa go ntse jalo, fa diphuthego di tlhoka dibukana tse dingwe kgotsa tsa dipuo tse dingwe, tsweetswee romelang otara. Lo tshwanetse go kwala ka tsela e e bonalang sentle mo foromong ya Literature Request Form (S-14) gore “Eno ke otara e nngwe mo go e re e romeletsweng.”
◼ Ga go tlhokege gore lo otare dibetšhe tsa kopano ya kgaolo tsa 2007 e re ka di tla romelelwa diphuthego pele ga dikopano. Fa lo se na go amogela dibetšhe tseno, mookamedi wa dibuka wa phuthego e e okametseng o tshwanetse go tlhomamisa gore phuthego nngwe le nngwe e amogela setoko se e se romeletsweng. Fa go tlhokega dibetšhe tse di oketsegileng, kwalwang mo foromong ya Literature Request Form (S-14) gore “Eno ke otara e nngwe mo go e re e romeletsweng.” Re ka se amogele diotara tse di rometsweng ka motsotso wa bofelo. Dikarata tsa dibetšhe di tla nna gone ka Seburu, Seesemane, Sefora, Sepotokisi, Sesotho, Silozi, Sexhosa, le Sezulu. Dikhabara tsa dibetšhe di ka otariwa go ya kafa di tlhokegang ka gone. Tsweetswee lebang Lebokoso la Dipotso mo kgatisong ya Tirelo ya Rona ya Bogosi ya October 2001 malebana le gore ke mang yo o tshwanetseng go amogela karata ya betšhe.
◼ Dikgatiso Tse Disha Tse di Leng Gone:
Ineele go Bala le go Kwala (ay) —Sevenda
Watch Tower Publications Index 2006 (dx06) —Seesemane
◼ Di-DVD Tse Disha Tse di Leng Gone:
Alebamo ya The Watchtower Announcing Jehovah’s Kingdom—2007 (e e lolea) (dvcw07) —Puo ya Diatla ya Amerika