Dikitsiso

◼ Dikgatiso tse di tsamaisiwang ka July le August: Epe fela ya diboroutšhara tse di latelang tsa ditsebe tse 32: A Ruriruri Modimo o Amega Ka Rona?, Itumelele Botshelo mo Lefatsheng ka Bosakhutleng!, Meya Ya Batho Ba Ba Suleng—A E Ka go Thusa Kana E ka go Gobatsa?—A Totatota E A Tshela?, O ka Kgona go Nna Tsala ya Modimo!, le Tsela e e Isang Botshelong Jo bo Sa Khutleng A o E Bone? September: Totatota Baebele e Ruta Eng? October: Dimakasine tsa Tora ya Tebelo le Tsogang!

◼ E re ka August e na le mafelobeke a le matlhano, e tla nna kgwedi e e molemo ya go tsaya bobulatsela jo bo thusang.

◼ Fa e le gore o rulagantse go etela naga e sele e e seyong mo lenaaneng la pego ya ngwaga wa tirelo ya bosheng kgotsa e aterese ya yone e sa kwalwang mo tsebeng ya bofelo ya Yearbook, ya bosheng, tsweetswee ikgolaganye le ofisi ya lekala ya lefelo la lona go tlhomamisa gore o tshwanetse go nna kelotlhoko ka eng kgotsa gore ke ditaelo dife tse di kgethegileng tse o tshwanetseng go di latela. Go ka direga gore tiro ya Bogosi e bo e thibetswe ka ditsela tse di rileng koo. (Math. 10:16) Mo dinageng dingwe go ka tswa go se molemo gore baeti ba ikgolaganye le Basupi kgotsa le diphuthego tsa lefelo leo. O ka nna wa fiwa dikaelo tse dingwe malebana le go rera le fa o se mo bodireding kgotsa go tsamaya ka dikgatiso tse di rileng. Fa o latela kaelo e o e fiwang go tla thibela gore o se ka wa nna le mathata a a sa tlhokegeng kgotsa wa dira gore go nne le mathata malebana le tiro ya Bogosi.—1 Bakor. 14:33, 40.