Dikitsiso

◼ Dikgatiso tse di tsamaisiwang ka October: Dimakasine tsa Tora ya Tebelo le Tsogang! Fa go na le ba ba bontshang kgatlhego, buelela pampitshana ya A o ka Rata go Itse Boammaaruri? Fa beng ba matlo ba setse ba na le pampitshana eno, leka go simolola thuto ya Baebele. November: Totatota Baebele e Ruta Eng? December: Monna Yo Mogolo go Gaisa Botlhe Ba Ba Kileng Ba Tshela. Fa go na le bana go ka tsamaisiwa buka ya Ithute mo Morutising yo Mogolo. January: Totatota Baebele e Ruta Eng?

◼ Thulaganyo ya ngwaga le ngwaga ya Sekolo sa Bodiredi sa Puso ya Modimo e ka se tlhole e tsenngwa mo kgatisong ya Tirelo ya Rona ya Bogosi. Go na le moo, phuthego nngwe le nngwe e tla fiwa dikhopi tse pedi tsa thulaganyo ya ngwaga otlhe, mme khopi e nngwe ya thulaganyo eno e tshwanetse go kgomarediwa mo lomating lwa tshedimosetso mo Holong ya Bogosi. Khopi e nngwe e tla newa molebedi wa sekolo gore a e dirisetse go dira dikabelo. Baboledi ba tla tswelela ba amogela dikhopi tsa bone tsa Tirelo ya Rona ya Bogosi kgwedi le kgwedi, mme e tla bontsha thulaganyo ya beke le beke ya Thuto ya Baebele ya Phuthego, Sekolo sa Bodiredi sa Puso ya Modimo le Pokano ya Tirelo.

◼ Go simolola ka beke ya March 1, 2010, go tla ithutiwa buka ya “Tla o Nne Molatedi wa Me” mo Thutong ya Baebele ya Phuthego. Diphuthego tse di tlhokang dibuka tseno di tshwanetse go kopa go di romelelwa mo otareng ya tsone ya dibuka e e latelang.

◼ Ka April 17, 2010, e tla bo e le Letsatsi le le Kgethegileng la Dimakasine. Re kgothaletsa botlhe gore ba simolole gone jaanong go rulaganyetsa go nna le seabe ka botlalo mo ngwageng o o tlang.