Dikitsiso

◼ Kgatiso e e tsamaisiwang ka October: Dimakasine tsa Tora ya Tebelo le Tsogang! Fa o dira maeto a go boela buelela buka ya Baebele e Ruta Eng? kgotsa fa o bona go tshwanela go ya ka se motho a se kgatlhegelang, o ka mo naya boroutšhara jwa Reetsa Modimo Mme o Tshelele Ruri. November le December: Tsamaisa pampitshana ya A o Ka Rata go Itse Boammaaruri? kgotsa epe fela e e leng teng mo setokong sa phuthego. Fa motho a bontsha kgatlhego, mmontshe kafa thuto ya Baebele e tshwarwang ka teng o dirisa buka ya Baebele e Ruta Eng? kgotsa boroutšhara jwa Reetsa Modimo Mme o Tshelele Ruri. January le February: Tsamaisa nngwe ya diboroutshara tse di latelang tsa ditsebe di le 32: Baebele—E na Le Molaetsa Ofe?, O ka Kgona go Nna Tsala ya Modimo! le Tsela e e Isang Botshelong Jo bo Sa Khutleng—A o E Bone? Fa o dira maeto a go boela, leka go simolola thuto ya Baebele o dirisa buka ya Baebele e Ruta Eng? kgotsa fa o bona go tshwanela go ya ka se motho a se kgatlhegelang, o ka mo naya boroutšhara jwa Reetsa Modimo Mme o Tshelele Ruri.