Dikitsiso

◼ Kgatiso e e tsamaisiwang ka Ferikgong le Tlhakole 2014: Tsamaisa boroutšhara jwa Dikgang Tse di Molemo Tse di Tswang Kwa Modimong! kgotsa boroutšhara bope fela jo bo tsamaisiwang mo tshimong jo bo ka tswang bo le teng mo setokong sa phuthego. Mopitlwe le Moranang 2014: Makasine wa Tora ya Tebelo le wa Tsogang!

◼ Fa o na le dinepe dipe fela tse di bontshang hisitori ya tiro ya Basupi ba ga Jehofa, tsweetswee di romele mo lekaleng. Ofisi ya lekala e tla skena dinepe tseo e bo e di busetsa kwa go wena. Dinepe tse di amanang le hisitori ya Basupi di tlhokega mo ditlhogong tse di mo dimakasineng tsa rona tse di jaaka se se reng, “Go Tswa mo Mabolokelong a Rona.” Tsweetswee bontsha letlha (kgotsa ngwaga) le senepe se tserweng ka lone mme o kwale maina a batho bape fela ba ba bonalang sentle mo go sone. Dinepe tseno e ka nna tsa baboledi ba le mo tirelong ya tshimo, ba na le seabe mo thulaganyong ya dipokano kgotsa ya kopano kgotsa di ka tswa e le tsa bakaulengwe ba ba neng ba le mo kgolegelong ka ntlha ya go se tseye letlhakore.