Tlhatlhobo ya Sekolo sa Bodiredi sa Puso ya Modimo

Go tla sekasekiwa dipotso tse di latelang mo Sekolong sa Bodiredi sa Puso ya Modimo ka beke e e simololang ka Phatwe 25, 2014.

Lefitiko 18:3 e ka re thusa jang go tila go tlhakatlhakanya se re itseng se siame le se se sa siamang? (Baef. 4:17-19) [Phuk. 7, w02 2/1 ts. 29 ser. 4]
Taelo e e mo go Lefitiko 19:2 e re ruta eng, mme ke ka ntlha yang fa re tshwanetse go lwela go e ikobela? [Phuk. 7, w09 7/1 ts. 9 ser. 5]
Molaomotheo wa molao wa bogologolo wa go ronopa o re ruta eng gompieno? (Lefi. 19: 9, 10) [Phuk. 7, w06 6/15 ts. 22-23 ser. 13]
Ke ka ntlha yang fa go ka twe molao wa “leitlho mo boemong jwa leitlho” o ne o sa rotloetse gore motho a ipusolosetse? (Lefi. 24:19, 20) [Phuk. 14, w09 9/1 ts. 22 ser. 3-4]
Ke mo maemong afe go neng go le phoso gore Moiseraele a kope morokotso mo mading a a adimisaneng ka one, mme go kopiwa ga morokotso go ne go ka letlelelwa leng? (Lefi. 25:35-37) [Phuk. 21, w04 5/15 ts. 24 ser. 3]
Ke ka ntlha yang fa gantsi Baebele e umaka ditso tse 12 tsa Iseraele fa tota di ne di le 13? (Dipa. 1:49, 50) [Phuk. 28, w08 7/1 ts. 21]
Re ka ithuta thuto efe malebana le go bontsha go akanyetsa bagodi mo pegong ya Balefi e e kaga tiro e e patelediwang mo go Dipalo 8:25, 26? [Phat. 11, w04 8/1 ts. 25 ser. 1]
Morago ga go fudusiwa ka kgakgamatso go tswa kwa Egepeto, ke ka ntlha yang fa Baiseraele ba ile ba simolola go nna le moya wa go ngongorega, mme re ka ithuta thuto efe ya botlhokwa mo pegong eno? (Dipa. 11:4-6) [Phat. 18, w95 3/1 ts. 16 ser. 10]
Re ka ithuta eng mo tseleng e Moshe a ileng a tsiboga ka yone fa Eledade le Medade ba ne ba simolola go porofeta? (Dipa. 11:27-29) [Phat. 18, w04 8/1 ts. 26 ser. 4]
Re ka ithuta molaomotheo ofe wa botlhokwa mo taelong e e neng e neilwe Baiseraele ya gore “ba itirele makantsa mo dintlheng tsa diaparo tsa bone”? (Dipa. 15:37-39) [Phat. 25, w04 8/1 ts. 26 ser. 7]