Jobe O ne A Nna a Thokgame Le fa A Lekwa

Jobe o ne a dula kwa Use ka nako ya fa Baiseraele e ne e le makgoba kwa Egepeto. Le fa Jobe e ne e se Moiseraele, e ne e le moobamedi wa ga Jehofa yo o ikanyegang. O ne a na le lelapa le legolo, a humile e bile a na le tlhotlheletso mo bathong. E ne e le mogakolodi yo o tlotlegang e bile a le tekatekano. O ne a le pelotshweu mo bahumaneging. Jobe e ne e le monna yo o thokgameng.

Jobe o supile fa Jehofa e ne e le Motho wa botlhokwa thata mo botshelong jwa gagwe

1:8-11, 22; 2:2-5

• Satane o ne a lemoga gore Jobe ke monna yo o thokgameng. Ga a ka a ganela gore Jobe o ikobela Modimo; go na le moo, o ne a belaela maitlhomo a ga Jobe

• Satane o ne a latofatsa Jobe ka go re o direla Jehofa ka maitlhomo a bopelotshetlha

• E le go araba tatofatso ya ga Satane, Jehofa o ne a mo letla go tlhasela monna yoo yo o ikanyegang. Satane o ne a tlisetsa Jobe masetlapelo a a seng kana ka sepe

• Fa Satane a ne a bona gore Jobe o tswelela a ikanyega o ne a belaela boikanyegi jwa batho ba bangwe botlhe

• Jobe ga a ka a leofa kgotsa a kaya fa Modimo a dirile sengwe se se phoso