Dirisa Buka ya Itumelele go Tshelela Ruri! go Thusa Batho Gore ba Nne le Tumelo mo go Jehofa le Jesu

Batho ba re ba rutang Baebele ba tshwanetse go nna le tumelo e e nonofileng gore ba itumedise Modimo. (Bah 11:6) Re ka ba thusa go dira seo ka go ithuta le bone buka ya Itumelele go Tshelela Ruri! Buka eno e na le ditemana tsa botlhokwa, dintlha tse di utlwalang sentle, dipotso tse di fatang maikutlo, dibidio tse di kgatlhang le ditshwantsho tse dintle. Fa re thusa motho yo re mo rutang Baebele go nna le dinonofo tse di molemo tsa Bokeresete le go nna le kamano e e molemo le Modimo, re a bo re aga ka dilo tse di sa sheng.—1Bk 3:12-15.

Batho bangwe ba akanya gore ba ka se nne ditsala tsa Modimo ka gonne ga ba mmone. Ka jalo, re tshwanetse go ba thusa gore ba itse Modimo le gore ba mo ikanye.

LEBANG BIDIO YA, DIRISA BUKA YA “ITUMELELE GO TSHELELA RURI!” GO THUSA BATHO GORE BA NNE LE TUMELO MO GO JEHOFA, LO BO LO ARABA DIPOTSO TSE DI LATELANG:

• Re itse jang gore kgaitsadi o ne a baakanyeditse thuto eo sentle?

• O dirisitse dipotso jang go thusa moithuti go tlhalosa gore o ikutlwa jang ka Isaia 41:10, 13?

• Bidio le ditemana tsa Baebele di thusitse moithuti jang?

Batho ba le bantsi ga ba tlhaloganye gore thekololo ke eng kgotsa ga ba e lebe e le mpho e Modimo a ba fileng yone ka namana. (Bag 2:20) Ka jalo, re tshwanetse go ba thusa go dumela mo setlhabelong sa thekololo se Jesu a se ntshitseng.

LEBANG BIDIO YA, DIRISA BUKA YA “ITUMELELE GO TSHELELA RURI!” GO THUSA BATHO GORE BA NNE LE TUMELO MO GO JESU, LO BO LO ARABA DIPOTSO TSE DI LATELANG:

• Re itse jang gore mokaulengwe o ne a baakanyeditse thuto eo sentle?

• O ne a dirisa jang tshedimosetso e e mo karolong ya “Dintlha Tse Dingwe” go thusa moithuti?

• Ke eng fa moithuti a tshwanetse go rapela?