A le Ne le Tlhamilwe?

Lefofa la Morubisi

Baenjeniri ba difofane ba tswela morubisi pelo. Ka ntlha yang? Ka go bo o fofa ka tidimalo. Aterese ya Internet ya National Geographic ya re: “Ga go na nonyane epe e e fofang e sa dire modumo jaaka morubisi.” Morubisi o kgona go dira seo jang?

Ela tlhoko: Mowa o o fetang mo mafofeng a dinonyane di le dintsi o baka go sa iketlang mme seno se dire modumo. Mme mo morubising seno ga se direge. Mafofa a one a a kwa morago a na le maodi a a thibelang modumo o o dirwang ke phefo mo mafofeng fa o fofela kwa tlase. Mafofa a mantsintsi a a leng gongwe le gongwe mo mmeleng wa morubisi a thusa go fokotsa modumo o o setseng.

Badiri ba difofane ba ka rata go ithuta go le gontsi malebana le kafa morubisi o fofang ka teng o sa dire modumo. Fa go na le difofane tse di sa direng modumo, boemafofane jo bo nang le melao e e gagametseng ya go thibela modumo bo tla dumelela difofane gore di fofe le go tsurama bosigo—le ka dinako tsa makuku. Go setse go dirilwe diphetogo dingwe. Porofesara ya difofane yo o tlogetseng tiro e bong Geoffrey Lilley wa Yunibesithi ya Southampton kwa Engelane a re: “Ke gone re simololang go dira diphetogo tseo.” O oketsa ka gore, go tla tsaya masomesome a dingwaga pele go ka dirwa sefofane se se sa direng modumo.

O akanya eng? A lefofa le le kwa morago la morubisi le le fokotsang modumo le itlhagetse fela? Kgotsa a le ne le tlhamilwe?

[Setshwantsho mo go tsebe 23]

Bapisa lefofa la morubisi le le kafa molemeng le la segodi le le kafa mojeng

[Metswedi ya Ditshwantsho mo go tsebe 23]

Long-eared owl: © Joe McDonald/Visuals Unlimited; barn owl sequence: © Andy Harmer/Photo Researchers, Inc.; feather comparison: Courtesy of Eike Wulfmeyer/Wikimedia/GFDL