Karolo 6

Tlhakanelo-Dikobo le Maitsholo A A Siameng

Kwantle ga pelaelo basha ba le bantsi ba tla itlhaganelela go bala karolo eno ya buka pele. Ka ntlhayang? Ka gonne ga go na kgang e e tsosang dipotso tse dintsi le e e tsosang dikganetsano tse dintsi—le e e tlhakanyang tlhogo—jaaka tlhakanelo-dikobo le maitsholo a a siameng. Lefa go ntse jalo, boitsholo jo bo siameng bo akareletsa se se fetang fela tlhakanelo-dikobo. Ka sekai, a o ka re mosha yo o akang le yo o tsietsang o na le boitsholo jo bo siameng? Kana a go na le maemo ao mo go one go sa ikanyegeng go siameng fela? Ka lesego, Bibela e re neela dikaelo dingwe le melawana tse di tlhamaletseng le tse di nang le mosola mo dikgannyeng tseno tsa boitsholo jo bo siameng.