Bolelang Dikgang Tse di Molemo

1. Dikgang ka Losika e ne e’le sephiri.

Jaanong dikgang tseo re di senoletswe.

Jah o pelotlhomogi gape’o lorato,

O akanyetsa batho ba ba leofileng.

O tlhomile Morwawe gore a buse;

Modimo o tla tloga a lere Bogosi.

Gape o tlisetsa Jesu monyadiwa,

Le tsomanyane lotlhe le’a itumela.

2. Re rera ka dikgang tse di profetilweng.

Modimo’o batla gore batho ba utlwe.

Re dira mmogo le baengele ba gagwe,

Gore dikgang tseno di tle di bolelwe.

Re neilwe tshiamelo’e kgolo ya go ruta.

Le go galaletsa leina la ga Jehofa.

Remotlotlo go bidiwa ka leina leo

A re tswelele re itsise ka lone.