Jesu E ne E le Mang?

Jehofa o ne a romela Jesu mo lefatsheng. 1 Johane 4:9

Fa re batla go itumedisa Jehofa, go na le motho yo mongwe gape wa botlhokwa yo re tshwanetseng go mo reetsa. Lobaka lo loleele pele ga Jehofa a bopa Adame, o ne a bopa motho yo o maatla wa semoya kwa legodimong.

Fa nako e ntse e ya, Jehofa o ne a mo romela gore a ye go tsholwa kwa Bethelehema, a tsholwa ke kgarebane e e bidiwang Marea. Ngwana yono o ne a bidiwa Jesu.—Johane 6:38.

Fa Jesu e ntse e le motho mo lefatsheng, o ne a etsa dinonofo tsa Modimo ka botlalo. O ne a le pelonomi, a le lorato e bile a atamelesega. O ne a ruta batho boammaaruri ka ga Jehofa a sa boife sepe.

Jesu o ne a dira se se molemo, le fa go ntse jalo o ne a tlhoilwe. 1 Petere 2:21-24

Baeteledipele ba bodumedi ba ne ba tlhoile Jesu gonne o ne a senola dithuto tsa bone tsa maaka le ditsela tsa bone tse di bosula.

Gape Jesu o ne a fodisa ba ba lwalang le go tsosa batho bangwe ba ba neng ba sule.

Baeteledipele ba bodumedi ba ne ba tlhotlheletsa Baroma gore ba iteye Jesu le go mmolaya.