Sejo sa Morena sa Maitseboa

1. Rrarona yo’o kwa legodimong

’Sigo jono bo boitshepo!

O ne wa bontsha lorato lo logolo;

Wa golola batho ba ’go.

Mme o ne wa ba sireletsa

Ka kwana ya Tlolaganyo.

E le go diragatsa boprofeti jo,

Kresete o ne a re swela.

2. Beine le senkgwe di bontsha

Tlhwatlhwa ya ’tlhabelo seo;

Le bomolemo jwa ’go ka go ntsha Morwa

Yo o neng a go’ikobela.

Bosigo jono bo botlhokwa

Ka gonne bo re gopotsa

Gore loso lwa Kwana lo re thusitse

Gore re gololwe mo losong.

3. Re tlile fa pele ga gago

Gonne o re laleditse,

Re go baka gonne o re file Kreste,

E bile re a go tlotla.

Go tshwara segopotso seno

Go re nonotsha tumelo.

Ka jalo re tla nna re etsa Kresete,

Mme ruri re tla bona tuelo.