Bothselo le Bodihedi tsa ga Jesu

MORAGO ga Jesu a sena go laela baaposetoloi ba gagwe kafa ba ka dirang tiro ya go rera ka teng, o ba tlhagisa mo baganetsing. A re: “Bōnañ, ke lo roma yaka dinku mo gare ga diphiri . . . Me lo itisè mo bathuñ: gonne ba tla lo neèla ditshekoñ, ba tla lo seola mo matluñ a bōnè a thutō; E, lo tla isiwa ha pele ga balaodi le dikgosi ka ntlha ea me.”

Go sa kgathalesege pogiso e e setihogo e balatedi ba gagwe ba neng ba tla lebana nayo, Jesu o solofetsa jaana ka go ba tihomamisetsa: “E re mogañ ba lo neèlañ mo ditshekoñ, lo se ka loa tlhobaèlèla, go re, lo tla bua yañ, lo tla bua eñ: gonne lo tla nèwa mo lobakeñ louō hèla se lo tla se buañ. Gonne e be e se lona ba lo buañ, e le Mōea oa ga Rra eno o o buañ mo go lona.”

“Me,” Jesu o a tswelela, “motho o tla neèla morwa rragwè mo loshuñ, le rra motho ñwana oa gagwè: bana ba tla cogologèla batsadi ba bōnè, ba ba bolaea.” O oketsa ka gore: “Lo tla ilwa ke batho botlhe ka ntlha ea leina ya me: me eo o ichōkèlañ bokhutloñ, èna o tla bolokwa.”

Go rera ke selo sa botlhokwa, jalo Jesu o gatelela tlhokego ya go nna botlhale e le gore ba tle ba dire tiro eo ka phuthologo. “Me e re ba lo bogisa mo motsiñ o, lo tshabèlè mo go o o tlhomaganyeñ naō:” a rialo, “gonne amarure kea lo raea, Lo tla re lo e se lo shwetse go ralaia metse ea Iseraela, Morwa Motho a ba a bile a tsile.”

Go boammaaruri gore Jesu o ne a neela barutwa ba gagwe ba ba 12 tao, tlhagiso, le kgothatso eno, mme gape o ne a e neela bao ba neng ba tla arola mo go rereleng lefatshe lotlhe ka bophara morago ga go swa le go tsoga ga gagwe. Seno se bontshiwa ke ntlha ya go bo a ne a re barutwa ba gagwe ba ne ba tla “ilwa ke batho botlhe,” eseng fela ke Baiseraela bao baaposetoloi ba neng ba romilwe go ya go ba rerela. Go feta moo, go bonala baaposetoloi ba ne ba seka ba isiwa fa pele ga balaodi le dikgosi fa Jesu a ne a ba roma go ya tlhabanong ya nako e khutshwane ya go rera. Mo godimo ga moo, ka nako eo badumedi ba ne ba sa neelwe mo losong ke maloko a malapa a bone.

Jalo fa Jesu a ne a re e ne e tla re barutwa ba gagwe ba ise ba fetse go rera mo potologong yotlhe, “Morwa Motho a ba a bile a tsile,” o ne re neela polelelopele ya gore barutwa ba gagwe ba ne ba tla bo ba ise ba fetse go rerela lefatshe lotlhe le le agilweng kaga Bogosi jo bo tlhomilweng jwa Modimo pele ga Kgosi e e galaleditsweng Jesu Keresete a tla jaaka mosimegi yo o bolayang wa ga Jehofa ka Hara-Magedona.

Fa Jesu a tswelela ka go neela ditaelo tsa gagwe tsa go rera, a re: “Morutwa ga a mogolo go heta moruti oa gagwè, le motlhanka ga a mogolo go heta morèna oa gagwè.” Jalo balatedi ba ga Jesu ba tshwanetse go lebelela go sa tshwarwe sentle le go bogisiwa fela jaaka go ne ga mo diragalela ka baka la go rera kaga Bogosi jwa Modimo. Lefa go le jalo o gakolola ka go re: “Lo se ka loa boiha ba ba bolaeañ mmele, me ba sa nonoha go bolaea mōea: me bogolo lo boihè èna eo o nonohileñ go senya mōea le mmele mo moletiñ.”

Jesu o ne a baya sekao mo kgannyeng eno. O ne a itshokela loso kwantle ga poifo go na le go senya boikanyegi jwa gagwe mo go Yo o maatla otlhe, Jehofa Modimo. Ee, ke Jehofa yo o ka sekang a senya “mōea” wa motho fela (mo kgannyeng eno go raya tebeleto ya motho ya isagwe ya go nna moya o o tshedileng) mme o ka kgona le e leng go tsosetsa motho go tla go ipelela botshelo jo bosakhutleng. Abo Jehofa e le Rre wa selegodimo yo o lorato, le yo o kutlwelo-botlhoko jang ne!

Morago ga moo Jesu o kgothatsa barutwa ba gagwe ka setshwantsho se se tlotlomatsang tlhokomelo ya ga Jehofa e e lorato mo go bone. “Dithaga di le pedi a ga di rekwe ka bontlha ñwe yoa peni?” o a ba botsa. “Me epè ea cōna ga e ke e wèla ha hatshe kwa ntlè ga Rra eno. Me e e leñ meriri tōta ea ditlhōgō tsa lona e badilwe eotlhe hèla. Ke gōna se boiheñ; gonne lo tlhwatlhwa e kgolo bogolo go ea dithaga di le dintsi.”

Molaetsa wa Bogosi o Jesu a laolelang barutwa ba gagwe go o bolela o tla kgaoganya malapa, jaaka maloko a mangwe a lelapa a o amogela mme a mangwe a o gana. “Lo seka loa gopola, go re, ke tsile go lere kagishō mo lehatshiñ,” o a tlhalosa. “Ga kea tla go lere kagishō, ha e se chaka hèla.” Ka gone, gore leloko la lelapa le amogele boammaaruri jwa Bibela go tlhoka bopelokgale. “Eo o ratañ rragwè kgotsa mmagwè bogolo go nna, ga aa nchwanèla,” Jesu o a lemotsha, “le eo o ratañ morwawè kgotsa morwadiè bogolo go nna, ga aa nchwanèla.”

Fa Jesu a konela ditaelo tsa gagwe, o tihalosa gore bao ba amogelang barutwa ba gagwe ba amogela le ene. “Me leha e le mañ eo o tla naeañ moñwe oa babōtlana ba, leha e ka bo e le metse a tsididi hèla ka senwèlō, ka leina ya me, amarure kea lo raea, ga a ketla a latlhègèlwa ke tuèlō ea gagwè ka gopè.” Mathaio 10:16-42.

◆ Jesu o ne a neela barutwa ba gagwe ditlhagiso dife?

◆ O ne a ba neela kgothatso le kgomotso efe?

◆ Ke ka ntlhayang fa ditaelo tsa ga Jesu di dira gape le mo Bakereseteng ba motlha wa segompieno?

◆ Morutwa wa ga Jesu ga a mogolo go moruti wa gagwe ka tsela efe?