Botshelo le Bodihedi tsa ga Jesu

O Laleditswe ke Mofarasai Mongwe wa Maemo a a kwa Godimo

JESU ke moeng kwa legaeng la Motarasai mongwe wa maemo a a kwa godimo, koo a sa tswang go todisa monna mongwe yo o bolawang ke bolwetsi jwa bophogophogo. Jaanong, jaaka Jesu a elatlhoko baeng-ka-ene ba kgetha manno a a kwa pele kwa moletlong oo wa dijo, o ruta thuto nngwe kaga boikokobetso.

“E re ha moñwe a gu laleditse modihō oa nyalō,” Jesu o gakolola jalo, “u se ka ua dula mo mannoñ a a kwa pele; e se re kgotsa monwe eo o tlotlègañ bogolo go wèna a ba a laledicwe ke èna; Me eo o gu laleditseñ naè a tla, a gu raea, are, Shutèla monna eo; me hoñ u simolole go tsaea setulō se se kwa moragōragō ka ditlhoñ.”

Jalo Jesu o gakolola ka go re: “E re ha u laledicwe, u eè u tseè setulō se se kwa moragōragō; gore, e tle e re eo o gu laleditseñ a tla, a gu rèe, are, Tsala, dulèla kwa pele; hoñ u tla dihana le tlotlō ha pele ga ba ba dutseñ ba ya nau.” Fa Jesu a gatelela thuto eo, o digela ka go re: “Gonne moñwe le moñwe eo o ikgodisañ o tla ñōtlahadiwa; me eo o iñōtlahatsañ o tla godisiwa.”

Morago ga moo, Jesu o bua le Motarasai yo o mo laleditseng a ba a tlhalosa kata ba ka dirang moletlo wa dijo oo eleruri o tlotliwang ke Modimo ka teng. “E re ha u diha modihō oa motshegare, leha e le oa maitsiboea, u se ka ua laletsa ditsala tsa gago, leha e le bana ba ga rrago, leha e le ba losika loa gago, leha e le ba ga eno ba ba humileñ; e se re kgotsa le bōnè, ba ba ba gu bitsa, me tuèlō e gu dihalèle. Me e re ha u diha modihō, laletsa bahumanegi, le digōlè, le batlhotsi, le dihohu; Me u tla nna segō; gonne bōnè ga ba na se ba ka gu duèlañ ka shōna.”

Go baakanyetsa ba ba seng sego moletlo wa dijo o o ntseng jalo go tla itumedisa mmaakanyi wa one ka gonne jaaka Jesu a tlhalosetsa molaletsi wa gagwe: “U tla duèlwa mo go cogeñ ga basiami.” Tlhaloso ya ga Jesu kaga moletlo ono wa tlotla wa dijo e gakolola molalediwa-ka-ene mongwe motuta o mongwe wa moletlo wa dijo. “Go segō eo o tla yañ senkgwè mo bogosiñ yoa Modimo,” molalediwa yoo o bolela jalo. Leta go le jalo, ga se botlhe bao ba tseelang kwa godimo tebelelo e e itumedisang eo, jaaka Jesu a tswelela go bontsha ka setshwantsho.

“Monna moñwe o kile a diha modihō o mogolo oa maitsiboea, me a laletsa bat ho ba le bantsi . . . a rama motlhanka oa gagwè a ea go raea ba ba laledicweñ, go re, Tlaañ, gonne dilō cotlhe di baakancwe. Me botlhe hèla ba ea seōpō señwe, ba simolola go ipata. Oa ntlha a mo raea, are, Ke rekile sebata sa lehatshe, me ke chwanetse go ea go se bōna; kea gu rapèla, a ke ichwarèlwè, ke ipoletse. Me eo moñwe are, Ke rekile dikgomo tsa boyokwe ba le batlhano, me ke ea go di leka; kea gu rapèla, a ke ichwarèlwè, ke ipoletse. Me eo moñwe are, Ke nyetse mosadi, ke gōna ke sa kakeñ ka ea.”

A diipato tse di sa utlwaleng jang ne! Gantsi tshimo kana diruiwa di tlhatlhobiwa pele ga di rekiwa, jalo ga go tlhokege ka gope gore di sekasekiwe morago. Ka mo go tshwanang, go nyala ga mot ho ga go a tshwanela go mo thibela go amogela taletso e e botlhokwa jalo. Jalo ta morena a utlwa ka diipato tseno, o a galeta a bo a laolela motlhanka wa gagwe ka go re:

“Tsamaea ka bonakō, u cwèlè kwa mebileñ le mo diherwaneñ tsa motse, me u lere kwano mo teñ bahumanegi, le digōlè, le dihohu, le batlhotsi. Me motlhanka are, Morèna, se u se laotseñ se dihilwe, me bonnō bo sa le gōna. Me morèna a raea motlhanka, are, Cwèla kwa ditseleñ tse dikgolo, le kwa dikgoreñ, me u ba kgōnè go tsèna, gore ntlo ea me e tlalè. . . . Ga go opè oa banna bauō ba ba laledicweñ eo o tla isañ modihō oa me mo ganoñ.”

Setshwantsho sena se tlhalosa seemo sete? Ebu, “morèna” eo o baakanyetsang moletlo wa dijo o emela Jehota Modimo; “motlhanka” yo o laletsang, Jesu Keresete; mme “modihō o mogolo oa maitsiboea,” ke ditshono tsa go tshwanelegela Bogosi jwa magodimo.

Bao lantlha ba neng ba amogela taletso ya go tshwanelegela Bogosi e ne e le, pele ga batho botlhe, baeteledipele ba bodumedi jwa Sejuda ba motlha wa ga Jesu. Leta go ntse jalo, ba ne ba gana taletso eo. Ka gone labobedi, segolo bogolo go simolola ka Pentekosete ya 33 C.E., go ne ga lalediwa batho ba ba nyatsegang le ba maemo a a kwa tlase ba morate wa Bajuda. Mme go ne ga seka ga arabela ba ba lekaneng go tlatsa manno a a 144 000 mo Bogosing jwa Modimo jwa selegodimo. Jalo laboraro ebile e le labotelo ka 36 C.E., eleng dingwaga di le tharo le sephatlo moragonyana, go ne ga lalediwa batho bao eseng Bajuda bao ba sa rupang, mme go phuthiwa ga batho bao go ne ga tswelela go titi ha mo lekgolong la bo-20 la dingwaga. Luke 14:1-24.

◆ Jesu o ruta thuto efe kaga boikokobetso?

◆ Molaletsi o ka baakanyetsa jang moletlo wa dijo o o amogelwang ke Modimo, mme ke ka ntlhayang fa o tla mo itumedisa?

◆ Ke ka ntlhayang fa diipato tsa baeng ba ba laleditsweng di sa utlwale?

◆ Ke eng seo se tshwantshediwang ke setshwantsho sa ga Jesu sa “modihō o mogolo oa maitseboea”?