Tsa Basha
Kafa o ka Nnang le Ditsala Tse di Ikanyegang ka Gone
Ditaelo: Direla porojeke eno mo lefelong le le didimetseng. Fa o ntse o bala ditemana, akanya o na le seabe mo go se se diregang. Bona tiragalo eo ka leitlho la mogopolo. Utlwa mantswe. Ikutlwe kafa batsayakarolo ba konokono ba ikutlwang ka gone. Dira gore pego eno e nne le botshelo.
Batsayakarolo ba Konokono: Jonathane, Dafide le Saulo
Tshobokanyo: Morago ga gore Dafide a bolaye Goliathe, Jonathane o nna tsala e kgolo ya ga Dafide.
1 AKANYA KA KELOTLHOKO KA TIRAGALO ENO.—BALA 1 SAMUELE 17:57–18:11; 19:1; 20:1-17, 41, 42.
Tlhalosa gore o akanya gore Saulo o ne a lebega jang. (Go go thusa: Bona 1 Samuele 10:20-23.)
․․․․․
Dafide o tshwanetse a bo a ne a sa ntse a le mo dingwageng tsa bolesome fa a ne a kopana le Jonathane. O akanya gore o ne a lebega jang? (Go go thusa: Bona 1 Samuele 16:12, 13.)
․․․․․
O akanya gore lentswe la ga Dafide le la ga Jonathane le ne le utlwala jang fa ba ne ba kgaogana jaaka go begilwe kwa bokhutlong jwa 1 Samuele kgaolo 20?
․․․․․
2 DIRA DIPATLISISO TSE DI OKETSEGILENG.
Pego ya re “moya wa ga Jonathane wa bofagana le moya wa ga Dafide”—kgotsa jaaka Baebele ya Tswana Central e e tlhalosa, “Jonathane a tsalana le Dafita.” (1 Samuele 18:1) Dafide o ne a na le dinonofo dife tse di ka tswang di dirile gore Jonathane a atamalane le ene? (Go go thusa: Bona 1 Samuele 17:45, 46.)
․․․․․
Jonathane o ne a feta Dafide ka dingwaga di ka nna 30. O akanya gore ke eng se se ileng sa ba thusa gore e nne “ditsala tse di kgolo,” le fa ba ne ba sa lekane ka dingwaga?
․․․․․
Tsala ya mmatota e na le dinonofo dife jaaka go bontshitswe mo pegong eno e e jesang kgakge? (Go go thusa: Bona Diane 17:17; 18:24.)
․․․․․
Ke ka ntlha yang fa Jonathane a ne a ikanya Dafide go gaisa rraagwe?
․․․․․
3 DIRISA SE O SE ITHUTILENG. KWALA SE O SE ITHUTILENG KA . . .
Botsala.
․․․․․
Boikanyegi.
․․․․․
Go tsalana le batho ba ba godileng.
․․․․․
O ka kgona jang go nna le ditsala tse di molemo?
․․․․․
4 KE KAROLO EFE YA PEGO ENO E E LENG BOTLHOKWA THATA MO GO WENA, MME KA NTLHA YANG?
․․․․․
FA O SE NA BAEBELE, KOPA BASUPI BA GA JEHOFA GORE BA GO NEYE YONE KGOTSA O BALE DIKGATISO TSE DINGWE TSA BAEBELE MO ATERESENG ENO YA INTERNET www.watchtower.org