Tsa Basha

Femela Kobamelo ya Boammaaruri!

Ditaelo: Direla porojeke eno mo lefelong le le didimetseng. Fa o ntse o bala ditemana, akanya o na le seabe mo go se se diregang. Bona tiragalo ka leitlho la mogopolo. Utlwa mantswe. Ikutlwe kafa batsayakarolo ba ikutlwang ka gone. Dira gore pego e nne le botshelo.

Batsayakarolo ba konokono: Elija, Ahabe le baporofeti ba ga Baale ba ka nna 450

Tshobokanyo: Elija o supa gore Jehofa o maatla go feta Baale.

1 AKANYA KA KELOTLHOKO KA TIRAGALO ENO.—BALA 1 DIKGOSI 18:17-40.

Dirisa pampiri e nngwe go dira setshwantsho se se bontshang gore Elija le baporofeti ba ga Baale ba ne ba eme fa kae le gore dibeso di ne di le fa kae.

O akanya gore go utlwala medumo efe mo tlhakatlhakanong e e tlhalosiwang mo go temana 26 go ya go 29?

․․․․․

O akanya gore Elija o ikutlwa jang fa a ntse a bua le baporofeti ba ga Baale?

․․․․․

2 DIRA DIPATLISISO TSE DI OKETSEGILENG.

Ke ka ntlha yang fa go ne go tlhokega gore Elija a nne pelokgale fa a ne a ya kwa go Ahabe go tswa foo a bo a dira sengwe se se neng se tla tlhabisa baporofeti ba ga Baale ba le makgolokgolo ditlhong? (Ntlha e e ka thusang: Bala 1 Dikgosi 18:4, 13, 14.)

․․․․․

O dirisa didirisiwa tse o nang le tsone tsa go dira dipatlisiso, batlisisa ka kobamelo ya ga Baale. Ka sekai, go ne go dirwa dilo dife mo kobamelong eo? Kobamelo ya ga Baale e ne e ama Baiseraele jang?

․․․․․

O akanya gore ke ka ntlha yang fa Elija a ile a epa mosele go dikologa sebeso sa ga Jehofa a bo a laela gore o tladiwe ka metsi?

․․․․․

3 DIRISA SE O SE ITHUTILENG. KWALA SE O SE ITHUTILENG KA . . . 

Bopelokgale jo motho a bo tlhokang gore a femele kobamelo ya boammaaruri.

․․․․․

Melemo e e bonwang ke batho ba ba bontshang bopelokgale jo bo ntseng jalo.

․․․․․

DINTLHA TSE DINGWE TSE O KA DI DIRISANG.

O ka bontsha bopelokgale jwa go femela kobamelo ya boammaaruri mo dilong dife mo botshelong jwa gago?

․․․․․

4 KE KAROLO EFE YA PEGO ENO E E LENG BOTLHOKWA THATA MO GO WENA, MME KA NTLHA YANG?

․․․․․

Fa o se na Baebele, kopa Basupi ba ga Jehofa gore ba go neye yone kgotsa o bale dikgatiso tse dingwe tsa baebele mo atereseng eno ya internet www.watchtower.org

[Lebokoso mo go tsebe 31]

Tshedimosetso Malebana le Dikopano Tsa Kgaolo

Tshedimosetso e e malebana le matlha le mafelo a dikopano tsa kgaolo tsa ngwaga le ngwaga e ka bonwa mo atereseng ya Internet ya jw.org.