Leina la Modimo (fa go tshwailweng teng) jaaka le tlhagelela mo mokwalong wa seatla wa bogologolo wa Baebele
Baebele Ya Reng Ka Kgang Eno?
A Modimo o na le leina?
BATHO BANGWE BA RE ga a na leina, ba bangwe ba re ke Modimo kgotsa Morena, mme ba bangwe bone ba re o na le maina a mantsi. Wena o akanyang?
SE BAEBELE E SE BUANG
“Wena, yo leina la gago e leng Jehofa, wena o le esi o Mogodimodimo yo o okametseng lefatshe lotlhe.”—Pesalema 83:18.
RE KA ITHUTA ENG GAPE MO BAEBELENG?
Le fa gone Modimo a na le direto tse dintsi, o iphile leina le le lengwe fela.—Ekesodo 3:15.
Modimo ga se masaitseweng; o batla gore re mo itse.—Ditiro 17:27.
Go itse leina la Modimo e ka nna kgato ya ntlha e e ka re thusang go nna ditsala tsa gagwe. —Jakobe 4:8.
A go phoso go bitsa leina la Modimo?
O KA RENG?
Ee
Nnyaa
Go ikaegile ka maemo
SE BAEBELE E SE BUANG
“O se ka wa dirisa leina la ga Jehofa Modimo wa gago ka tsela e e se nang mosola.” (Ekesodo 20:7) Go nna phoso fela fa re dirisa leina la Modimo ka tsela e e sa bontsheng tlotlo. —Jeremia 29:9.
RE KA ITHUTA ENG GAPE MO BAEBELENG?
Jesu o ne a itse leina la Modimo e bile a le dirisa. —Johane 17:25, 26.
Modimo o batla gore re mmitse ka leina la gagwe. —Pesalema 105:1.
Baba ba Modimo ba leka go dira gore batho ba lebale leina la gagwe.—Jeremia 23:27.