Dikgang Tsa Bolegodimo

Afrika Borwa: Go ne ga tshwarwa pokano ya botlhokwatlhokwa kwa Bloemfontein ka August 3 le 4, 1991, fa Dikomiti tsa Kgaolo tsa Kago di le 22 tseo di neng di emetswe ke baemedi ba le 102 go tswa mo mafelong a a farologaneng a naga eno di ne tsa kopana go buisana ka kgang ya go tlhokega ka tsela e e potlakileng ga Diholo tse di oketsegileng tsa Bogosi. Re na le diholo di le 257 mo nageng eno. E le gore re dire tiro e e santseng e eme, go tlhokega diholo tse 259 gone jaanong. Go ne ga tlhatlhobiwa ka bomasisi mekgwa e e bofefo ebile e boloka madi ya go aga. Go kopana ga maloko a dikomiti tse di tswang kwa dikgaolong tse di farologaneng go ne ga itshupa go le mosola. Baemedi ba ba matlhagatlhaga ba ne ba boela kwa gae ba ititeile dihuba gore ba tla fefosa thulaganyo ya go aga go ya kwa pele. Go tshegetsa ga lona ka boikanyegi thulaganyo ya go agiwa ga Diholo tsa Bogosi go anaanelwa fela thata.