Botlhale bo Botoka Go na Le Gauta

Goreng botlhale jwa bomodimo bo le botlhokwa thata jaana? Bo dira gore ba ba nang le jone ba fapoge bosula mme ba tshele. Bo dira gore tsela e ba itshwarang ka yone, e ba buang ka yone le e ba di dirang dilo ka yone e nne molemo.

Botlhale bo dira gore motho a se ka a ikgogomosa

16:18, 19

• 

  Motho yo o botlhale o bona Jehofa e le ene Motswedi wa botlhale jotlhe

• Batho ba ba atlegang kana ba ba newang maikarabelo a a oketsegileng ba tshwanetse go ikela tlhoko fela thata gore ba se ka ba ikgogomosa le go itseela kwa godimo

Botlhale bo dira gore re bue dilo tse di agang

16:21-24

• 

  Motho yo o botlhale o dirisa temogo go batla se se molemo mo bathong ba bangwe le go bua dilo tse di ntle ka bone

• Mafoko a a botlhale ga a tlhabe e bile ga a bogale mme a na le tlhotlheletso e bile a tshwana le tswina ya dinotshe