Rapelela Bakeresete ba ba Bogisiwang

Baebele e ile ya porofeta gore Satane o tla re bogisa ka maikaelelo a go kgoreletsa bodiredi jwa rona. (Joh 15:20; Tsh 12:17) Re ka thusa jang badumedimmogo ka rona ba ba bogisiwang mo dinageng tse dingwe? Re ka ba rapelela. “Mokokotlelo wa motho yo o siameng . . . o na le maatla a magolo.”—Jak 5:16.

Re ka rapelela eng? Re ka kopa Jehofa gore a neye bakaulengwe le bokgaitsadi ba rona bopelokgale jwa go sa boife sepe. (Isa 41:10-13) Gape re ka rapelela gore balaodi ba lebe tiro ya rona ya go rera ka tsela e e siameng “gore re tle re tswelele re tshela botshelo jo bo sisibetseng le jo bo didimetseng.”—1Ti 2:1, 2.

Fa Paulo le Petere ba ne ba bogisiwa, Bakeresete ba lekgolo la ntlha la dingwaga ba ile ba ba rapelela ba ba bitsa ka maina. (Dit 12:5; Bar 15:30, 31) Le fa gone re sa itse maina a Bakeresete botlhe ba ba bogisiwang gompieno, e ne e ka re fa re rapela re bo re umaka diphuthego tsa bone, mafelo a ba nnang kwa go one kana dinaga tse ba nnang kwa go tsone.

Kwala mafelo a Bakeresete ba bogisiwang kwa go one gore o kgone go ba rapelela.