MATLOTLO A A MO LEFOKONG LA MODIMO | LUKE 8-9
Re Tlhoka go Dira Eng Gore re Nne Balatedi ba ga Jesu?
Gore molemi a kgone go lema ka tsela e e tlhamaletseng, ga a tshwanela go nna a lebile kwa morago. Ka tsela e e tshwanang, Mokeresete le ene ga a tshwanela go dira gore a itewe tsebe ke dilo tsa lefatshe leno.—Baf 3:13.
Fa re kopana le mathata, re ka nna ra akanya gore dilo di ne di re tsamaela sentle pele re nna Basupi. Tota e bile, re ka feteletsa dilo ka go akanya gore go ne go le monate go se na mathata a mantsintsi. Ke se Baiseraele ba neng ba se dira fa ba sena go tswa kwa Egepeto. (Dip 11:5, 6) Fa re ka nnela go akanya jalo, re ka raelesega go batla go tshela ka tsela e re neng re tshela ka yone pele re nna Basupi. Ruri go molemo gore re akanye ka masego a Modimo a re nayang one le a a sa ntseng a larile kwa pele!—2Bak 4:16-18.