MATLOTLO A A MO LEFOKONG LA MODIMO | LUKE 10-11
Setshwantsho sa Mosamarea yo o Molemo
Jesu o ile a dirisa setshwantsho seno fa a ne a araba potso e e reng: “Ke mang tota yo e leng moagelani wa me?” (Luk 10:25-29) Jesu o ne a itse gore phuthego ya Bakeresete e ne e tla nna le “batho ba mefuta yotlhe” go akaretsa Basamarea le batho ba ditšhaba tse dingwe. (Joh 12:32) Setshwantsho seno se ne se ruta balatedi ba gagwe gore ba tshwanetse go bontsha ba bangwe lorato tota le fa ba farologana le bone.
IPOTSE JAANA:
‘Ke ikutlwa jang ka bakaulengwe le bokgaitsadi ba ditso tse dingwe?’
‘A ke fetsa nako e e ntsi le batho ba ba ratang dilo tse ke di ratang?’
‘A ke eletsa go itse Bakeresete ba ba farologaneng botoka?’ (2Bak 6:13)
Nka laletsa mang gore . . .
a bereke le nna mo bodireding?
re tle go ja mmogo?
a tle go nna le rona mo Kobamelong ya Lelapa?