Go Tokafatsa Bokgoni Jwa Rona mo Bodireding—Go Dirisa JW.ORG

GORENG GO LE BOTLHOKWA: Dikgatiso tsotlhe tse di mo Lebokosong la Rona la go Ruta di kgothaletsa batho go tsena mo jw.org. Tota lebaka la go bo go na le karata ya go ikgolaganya le Basupi ba ga Jehofa, le pampitshana ya Re ka Bona Kae Dikarabo Tsa Dipotso Tse di Botlhokwa ka Botshelo? ke go dira gore batho ba tsene mo jw.org. O ka dirisa jw.org go romelela batho dikgatiso tse di mo Lebokosong la Rona la go Ruta ka e-mail kgotsa ka go ba romelela linki, bogolo jang batho ba ba buang puo e nngwe. Mo godimo ga moo, batho ba ka botsa dipotso tse di arabiwang ke dikgatiso tse dingwe tse di seyong mo Lebokosong la Rona la go Ruta. Fa re itse gore dikgatiso di fa kae mo jw.org, re tla kgona go dirisa website eno fa re le mo bodireding.

SE O KA SE DIRANG:

• 

  Dirisa karolo ya “DITHUTO TSA BAEBELE.” A re re o rerela motsadi yo o batlang go itse mo go oketsegileng ka go godisa bana. Tsena mo karolong ya DITHUTO TSA BAEBELE > LENYALO LE LELAPA.

• Dirisa karolo ya “DIKGATISO.” A re re o rerela mongwe kwa sekolong mme o batla go mo neela boroutšhara jwa Dipotso Tse 10 Tse Basha ba di Botsang. Tsena mo karolong ya DIKGATISO > DIBUKA LE DIBUKANA.

• Dirisa karolo ya “KA GA RONA.” A re re o rerela mongwe yo o berekang le ene yo o batlang go itse gore re dumela eng. Tsena mo karolong ya KA GA RONA > DIPOTSO TSE GANTSI DI BODIWANG.

LEBA BIDIO YA GO DIRISA JW.ORG, O BO O BONA GORE O KA DIRISA WEBSITE ENO JANG GO THUSA:

• motho yo o sa dumeleng mo Modimong

• mongwe yo o wetsweng ke masetlapelo

• mokaulengwe kgotsa kgaitsadi yo o tlogetseng go direla Jehofa

• mongwe yo o batlang go itse gore madi a re a dirisang a tswa kae

• motho yo o boelang kwa nageng ya gaabo gore a kgone go ya dipokanong koo