MATLOTLO A A MO LEFOKONG LA MODIMO | TITO 1–FILEMONE

Go ‘Tlhoma Banna ba Bagolwane’

Tito o na le bakaulengwe bangwe ba phuthego ya Bokeresete ya bogologolo

Paulo o ile a kopa Tito gore a “tlhome banna ba bagolwane mo metseng ka go tlhatlologana.” Balebedi ba potologo le bone ba dira se se tshwanang ka go tlhoma bagolwane mo phuthegong.

SETLHOPHA SE SE LAOLANG

Setlhopha se se Laolang se etsa Bakeresete ba lekgolo la ntlha la dingwaga ka go naya balebedi ba potologo maikarabelo a gore ba tlhome bagolwane le batlhanka ba bodiredi.

BALEBEDI BA POTOLOGO

Molebedi mongwe le mongwe wa potologo o tshwanetse go akanyetsa dintlha tsotlhe tse di builweng ka bakaulengwe ba ba buelelwang a bo a rapela ka kgang eno. Go tswa foo, a bo a tlhoma bakaulengwe ba ba tshwanelegang.

BAGOLWANE

Fa bagolwane ba sena go tlhomiwa, ba tshwanetse go nna ba tshwanelega go ya ka Dikwalo.