BOTSHELO JWA BOKERESETE

Jehofa o Rata Batho ba ba Phepa

“Tlhapa diatla. Phepafatsa kamore ya gago. Feela mo fatshe. Ntsha matlakala.” Batsadi ba le bantsi ba ruta bana ba bone gore ba nne ba le phepa. Le fa go ntse jalo, molaomotheo wa go nna phepa o tswa kwa go Jehofa Modimo. (Ek 30:18-20; Dut 23:14; 2Bak 7:1) Fa re nna re le phepa le dilo tsa rona di le phepa, re galaletsa Jehofa. (1Pe 1:14-16) Gotweng ka magae a rona le mafelo a re nnang kwa go one? Bakeresete ga ba tshwane le batho ba ba latlhelang matlakala gongwe le gongwe, bone ba leka ka natla go boloka lefatshe le le phepa. (Pes 115:16; Tsh 11:18) Tota le dilo tse di sa reng sepe tse di jaaka, go latlha dipampiri tsa di-sweets, dithini tsa di dirinki kgotsa ditšhapisi, di ka bontsha gore a re batho ba ba phepa kgotsa jang. Re batla go “itshupa re le badiredi ba Modimo” ka dinako tsotlhe.—2Bak 6:3, 4.

LEBANG BIDIO YA, MODIMO O RATA BATHO BA BA PHEPA, LO BO LO ARABA DIPOTSO TSE DI LATELANG:

Ke diipato dife tse batho ba di dirang fa dilo tsa bone di se phepa?
Molao wa ga Moshe o ne o bontsha jang gore Jehofa o tsaya go nna phepa go le botlhokwa?
Re ka galaletsa Jehofa jang ka ditiro tsa rona?

Rre o tsena mo koloing e e leswe ya ngwana wa gagwe; rre o tlotla le ngwana wa gagwe ka melao ya ga Jehofa ya go nna phepa; Baperesiti ba babedi ba Baiseraele ba eme fa thoko ga sekotlele sa kopore se se tlhapelang; bakaulengwe ba fologa koloi e e phepa — Nka bontsha jang gore ke rata bophepa jaaka Jehofa Modimo?