MATLOTLO A A MO LEFOKONG LA MODIMO | GENESISE 15-17

Goreng Jehofa a Ile a Naya Aberame le Sarai Maina a Mangwe?

Jehofa o ne a tsaya Aberame e le motho yo o se nang molato. Fa Jehofa a ne a tlhalosetsa Aberame mo go oketsegileng ka tsholofetso ya gagwe, o ne a naya Aberame le Sarai maina a a tlhalosang se se neng se tla direga mo nakong e e tlang.

Maina a bone a ne a ya boreelelong ka gonne Aborahame o ne a nna rre wa ditšhaba di le dintsi le Sara o ne a nna mmêmogologolwane wa dikgosi.

Aborahame

Rra Boidiidi
Sara

Mmê wa Dikgosi

Ditshwantsho: Kgaitsadi yo mosha o gatetse pele mo phuthegong. 1. O a kolobediwa. 2. O dira kabelo ya gagwe ya dipokano tsa mo gare ga beke. 3. O bontsha mosadi yo mongwe bidio fa a ntse a le mo bodireding.

Ga re kgone go itlhophela gore fa re tsholwa re batla go bidiwa bomang. Mme fela jaaka Aborahame le Sara, re kgona go dira gore Modimo a re itse re na le botho jo bo molemo. Akanya ka dipotso tseno:

‘Nka dira eng gore Jehofa a ntseye ke le motho yo o se nang molato?’
‘Jehofa o nkitse ke le motho yo o ntseng jang?’