MATLOTLO A A MO LEFOKONG LA MODIMO | LEFITIKO 4-5

Direla Jehofa ka Pelo Yotlhe

Kwa Iseraele, go humanega go ne go sa thibele ope gore a dire kagiso le Jehofa. Tota le Baiseraele ba ba humanegileng ba ne ba kgona go ntshetsa Jehofa ditshupelo. Mme Jehofa o ne a tla di amogela fa fela e ne e le sotlhe se ba ka se kgonang e bile ba ntsha ka pelo yotlhe. Ba ne kgona go ntsha bupi mme Jehofa o ne a batla gore bupi joo e nne jo bo “boleta” jo gantsi ba neng ba bo dirisetsa baeng ba ba tlotlegang. (Ge 18:6) Le fa maemo a rona a ka re thibela go direla Jehofa ka tsela e re e batlang, Jehofa o amogela ditlhabelo tsa rona tse di tswang pelong.—Bah 13:15.

Seno se ka go kgothatsa jang fa o sa tlhole o kgona go direla Jehofa jaaka pele, gongwe e le ka gonne o lwala kgotsa o sa tlhole o na le maatla?

Ditshwantsho: Bokgaitsadi ba babedi ba ntshetsa Jehofa ‘setlhabelo sa pako’ ka pelo yotlhe. 1. Kgaitsadi o direla kwa go buiwang puo e sele gone mme o bua le mosadi mongwe kwa marekisetsong. 2. Kgaitsadi yo o godileng o kwala makwalo kwa ga gagwe.