Sireletsa Lenyalo la Gago

Jehofa o tsaya maikano a lenyalo a le botlhokwa thata. O ne a re monna le mosadi ba tshwanetse go ngaparelana. (Mat 19:5, 6) Go na le banyalani ba le bantsi ba ba itumetseng mo phuthegong ya ga Jehofa. Mme gone, ga go na lenyalo le le se nang mathata. Fa go na le mathata mo lenyalong, ga re a tshwanela go akanya jaaka batho ba bangwe gore go kgaogana le go tlhalana ke yone tharabololo. Banyalani ba Bakeresete ba ka sireletsa lenyalo la bone jang?

Ela tlhoko dintlha tse tlhano tsa botlhokwa.

1. Sireletsa pelo ya gago ka go tila go tshameka ka maikutlo a ba bangwe le go lebelela kgotsa go bala dilo tse di buang ka boitsholo jo bo sa siamang ka gonne di koafatsa lenyalo la lona.—Mat 5:28; 2Pe 2:14.

2. Nna o atamalane gaufi le Modimo mme o tswelele o mo itumedisa mo lenyalong la lona.—Pes 97:10.

3. Tswelela o apara botho jo bosha mme o dire dilo tse dinnye tse di molemo tse di tla dirang gore monna kgotsa mosadi wa gago a itumele.—Bak 3:8-10, 12-14.

4. Nnang lo buisana ka tsela e e molemo le e e bontshang tlotlo.—Bak 4:6.

5. Abelanang tshwanelo ya lenyalo mme lo dira jalo ka lorato.—1Bak 7:3, 4; 10:24.

Fa Bakeresete ba tlotla lenyalo, ba tlotla Jehofa, Mosimolodi wa lenyalo.

LEBANG BIDIO YA RE TSHWANETSE GO ‘TABOGA KA BOITSHOKO’—IKOBELE MELAO YA MOTSHAMEKO, LO BO LO ARABA DIPOTSO TSE DI LATELANG:

• 

  Le fa gone lenyalo le ka simolola le le monate, ke mathata afe a a ka tlhagang?

• 

  Melaometheo ya Baebele e ka thusa jang banyalani ba ba ikutlwang e kete ga ba tlhole ba ratana?

• 

  Ke melao efe e Jehofa a e tlhomileng mo lenyalong?

• Banyalani ba tshwanetse go dira eng gore lenyalo la bone le atlege?