MATLOTLO A A MO LEFOKONG LA MODIMO

Jehofa o Rulaganya Batho ba Gagwe

[Tshameka bidio ya Se se Mo Bukeng ya Dipalo.]

Baiseraele ba ne ba bewa ka ditlhopha tse tharo go ya ka ditso tsa bone (Dip 1:52, 53; w94 12/1 9 ¶4)

Batho ba ba neng ba nna mo bothibelelong kgotsa mo kampeng ya Baiseraele ba ne ba le 3 000 000 kgotsa go feta (Dip 2:32, 33; it-1-E 397 ¶4)

Jehofa o batla gore batho ba gagwe ba mo obamele ka tsela e e rulaganeng. O ne a batla gore setšhaba sa Iseraele se mo obamele jalo mme le rona gompieno, o batla gore re mo obamele fela jalo.—1Bak 14:33, 40.

Setshwantsho sa kampa ya Baiseraele. Motlaagana o mo gare ga kampa. Gaufi le motlaagana go ne go nna malapa a lotso lwa Balefi: Arone o ne a nna kwa botlhaba, Bakohathe kwa borwa, Bagereshone kwa bophirima mme Bamerari ba nna kwa bokone. Ditso tse 12 tsa Baiseraele di ne di nna kgakala le motlaagana. Kwa botlhaba go ne go nna lotso lwa ga Isakare, Juda, le Sebulone. Kwa borwa go go ne go nna lotso lwa ga Gada, Rubene le Simeone. Kwa bophirima go ne go nna lotso lwa ga Benjamine, Eferaime le Manase. Kwa bokone go ne go nna lotso lwa ga Nafetali, Dana le Ashera.

IPOTSE: ‘Nka bontsha jang gore ke tshegetsa phuthego ya ga Jehofa ka pelo yotlhe?’