Dirisa Dikai go Tlhalosa Dintlha Tsa Botlhokwa

Fa re dira maeto a go boela kgotsa re ithuta Baebele le batho, re tshwanetse go ba thusa gore ba tlhaloganye dintlha tsa botlhokwa. Fa re dirisa dikai kgotsa ditshwantsho go tlhalosa dintlha tseno, seno se tla ba fitlhelela pelo e bile se tla dira gore ba se ka ba lebala dintlha tseo.

Fa o ntse o baakanyetsa loeto lwa go boela kgotsa thuto ya Baebele, batla dintlha tsa botlhokwa tse o batlang go dira sekai ka tsone. Go tswa foo, tlhopha sekai se se motlhofo le se ba tla se tlhaloganyang. (Mat 5:14-16; Mar 2:21; Luk 14:7-11) Ipotse gore motho yo o ithutang le ene o godile jang le gore ke dilo dife tse a tlwaetseng go di dira. (Luk 5:2-11; Joh 4:7-15) Fa o bona sekai se o se dirileng se mo thusa go tlhaloganya ntlha nngwe e e rileng, o tla itumela.

LEBANG BIDIO YA ITUMELELE TIRO YA GO DIRA BATHO BARUTWA—TOKAFATSA BOKGONI JWA GAGO—DIRISA DITSHWANTSHO GO TLHALOSA DINTLHA TSA BOTLHOKWA, LO BO LO ARABA DIPOTSO TSE DI LATELANG:

• 

  Goreng motho yo o ithutang Baebele le ene a ka tlhoka thuso go tlhaloganya ditemana tsa Baebele?

• 

  Lesego o ne a dira sekai sefe go tlhalosa Baroma 5:12?

• 

  Dikai tse di utlwalang sentle di ka thusa jang batho ba re ba rutang?

• Fa re le mo bodireding, goreng go le botlhokwa gore re dirise dibidio le dikgatiso tse re di newang ke phuthego ya ga Jehofa?