Ratanang mo Lelapeng

Fela jaaka glue e kopanya dilo tse pedi, lorato le lone lo kopanya lelapa. Fa lelapa le sa ratane, go ka nna thata gore ba utlwane le gore ba dirisane mmogo ka kagiso. Banna, basadi le batsadi ba ka bontsha jang lorato mo lelapeng?

Monna yo o ratang mosadi wa gagwe o tla akanyetsa dilo tse a di tlhokang, tsela e a akanyang ka yone le tsela e a ikutlwang ka yone. (Bae 5:28, 29) O tla tlamela lelapa la gagwe ka dilo tse ba di tlhokang a bo a ba thusa gore ba atamalane le Jehofa, go akaretsa le go nna le thulaganyo ya Kobamelo ya Lelapa ka metlha. (1Ti 5:8) Mosadi yo o ratang monna wa gagwe o tla nna mo taolong ya gagwe e bile o tla mmontsha “tlotlo.” (Bae 5:22, 33; 1Pe 3:1-6) Boobabedi ba tshwanetse go itshwarelana ba gololesegile. (Bae 4:32) Batsadi ba ba ratang bana ba bone ba ipha nako le bone e bile ba ba ruta go rata Jehofa. (Dut 6:6, 7; Bae 6:4) Ba tshwanetse go ipotsa gore bana ba bone ba kopana le mathata afe kwa sekolong. A ba kgona go dira ditshwetso tse di siameng fa ba gateletswe ke dithaka tsa bone? Fa botlhe mo lelapeng ba ratana seno se tla dira gore ba ikutlwe ba sireletsegile.

LEBANG BIDIO YA RATANANG MO LELAPENG LO BO LO ARABA DIPOTSO TSE DI LATELANG:

• 

  Monna yo o ratang mosadi wa gagwe o mo tlhokomela jang?

• 

  Mosadi yo o ratang monna wa gagwe a ka bontsha jang gore o a mo tlotla?

• 

  Batsadi ba ka jalelela jang Lefoko la Modimo mo dipelong tsa bana ba bone?