Fitlhelela Dipelo Tsa Batho Ba o Ba Rutang

Motho o ikobela Modimo ka gonne a mo rata. (Dia 3:1) Ka jalo, fa re ruta mongwe, re tshwanetse go fitlhelela pelo ya gagwe. Re ka dira seo jang?

O se ka wa ruta motho yo o ithutang le ene boammaaruri jo bo mo Baebeleng fela; mo thuse go bona gore se a se ithutang a ka se dirisa jang mo botshelong jwa gagwe le gore se ama jang botsala jwa gagwe le Jehofa. Mo thuse go tlhaloganya gore melao e e mo Baebeleng e bontsha jang gore Jehofa o a re rata, o molemo e bile o tshiamo. Leka go mmotsa dipotso ka botlhale go mo thusa go bona gore o ikutlwa jang ka se a se ithutang. Mo thuse go akanya ka gore fa a ka dira diphetogo dingwe mo botshelong, seno se ka mo thusa jang gore a tokafatse botshelo jwa gagwe. Fa o bona motho yo o ithutang le ene a rata Jehofa, seno se tla dira gore o itumele.

LEBANG BIDIO YA ITUMELELE TIRO YA GO DIRA BATHO BARUTWA—TOKAFATSA BOKGONI JWA GAGO—FITLHELELA DIPELO TSA BATHO BA O BA RUTANG, LO BO LO ARABA DIPOTSO TSE DI LATELANG:

• 

  Goreng Lesego a ne a botsa Mmasentle a re: “A o akantse ka se re tlotlileng ka sone ka Mantaga?”

• 

  Lesego o ile a thusa Mmasentle jang go bona gore melao e e mo Baebeleng e bontsha gore Jehofa o a mo rata?

• 

  Lesego o ile a thusa jang Mmasentle gore a bontshe gore o rata Modimo?