‘Tsaya Basadi ba ba Godileng Jaaka Bommaago, Makgarebana Jaaka Bokgaitsadio’

Baebele e re kgothaletsa gore re tseye Bakeresete ba ba godileng jaaka batsadi ba rona mme ba basha jaaka bomogoloarona le bomonnaarona. (Bala 1 Timotheo 5:1, 2.) Bakaulengwe ba tshwanetse go tlotla bokgaitsadi.

Mokaulengwe ga a tshwanela go tshameka ka maikutlo a lorato kgotsa go dira sengwe se se tla dirang gore kgaitsadi a ikutlwe a sa gololesega fa a na le ene. (Job 31:1) Mokaulengwe yo o sa nyalang ga a tshwanela go tshameka ka maikutlo a kgaitsadi yo o sa nyalwang ka go dira gore kgaitsadi yoo a akanye gore o batla go ratana le ene mme gone mokaulengwe yoo a sa batle.

Fa kgaitsadi a botsa potso kgotsa a bua sengwe sa botlhokwa se bagolwane ba tlhokang go se ela tlhoko ba tshwanetse go mo reetsa. Bagolwane ba tshwanetse go akanyetsa bokgaitsadi ba ba se nang banna ka gonne ga ba na motho yo o ka ba sireletsang.—Ru 2:8, 9.

LEBANG BIDIO YA RATA BA BANGWE MO PHUTHEGONG—BATLHOLAGADI LE BANA BA BA SE NANG BORRE LO BO LO ARABA DIPOTSO TSE DI LATELANG:

• 

  Phuthego e ile ya bontsha jang Kgaitsadi Myint gore e a mo rata?

• 

  Se phuthego e ileng ya se dira se ile sa ama jang batho mo motseng?

• 

  Se phuthego e se diretseng Kgaitsadi Myint se ile sa ama jang bana ba gagwe?

Ke dilo dife tse o ka di dirang go bontsha gore o amega ka bokgaitsadi?