Re ka Ithuta Eng mo Botshelong Jwa ga Samuele?

Samuele o ile a ikanyega mo go Jehofa botshelo jwa gagwe jotlhe. Fa a ne a le monnye, o ile a gana go dira dilo tse di sa siamang jaaka barwa ba ga Eli e bong Hofeni le Finease. (1Sa 2:22-26) Samuele o ile a gola mme Jehofa o ne a nna a mo tshegeditse. (1Sa 3:19) Fa a setse a tsofetse, o ile a tswelela a direla Jehofa ka boikanyegi le fa bana ba gagwe ba sa dira jalo.—1Sa 8:1-5.

Ke eng se re ka ithutang sone mo sekaong sa ga Samuele? Fa o le mosha, tlhomamisega gore Jehofa o tlhaloganya mathata a o lebanang le one le tsela e o ikutlwang ka yone. A ka go thusa gore o nne pelokgale. (Isa 41:10, 13) Fa o na le ngwana yo o tlogetseng go direla Jehofa, o ka gomodiwa ke kgang ya gore Samuele ga a ka a pateletsa bana ba gagwe gore ba tswelele ba ikanyega mo go Jehofa. Samuele o ne a tlogela kgang eno mo diatleng tsa ga Jehofa, a bo a tswelela a ikanyega le go itumedisa Rraagwe yo o kwa legodimong. Gongwe sekao sa gago se se molemo se ka dira gore ngwana wa gago a boe a direle Jehofa gape.

LEBANG BIDIO YA DIPEGO TSA BAEBELE—SAMUELE, LO BO LO ARABA DIPOTSO TSE DI LATELANG:

• 

  Samuele o ne a bontsha jang bopelokgale fa a sa ntse a le monnye?

• 

  Thato o ne a bontsha jang bopelokgale?

• 

  Samuele o ile a tlhoma jang sekao se se molemo fa a setse a tsofetse?

• 

  Batsadi ba ga Thato ba ile ba tlhoma jang sekao se se molemo?