MATLOTLO A A MO LEFOKONG LA MODIMO

Tlhopha Motho Yo o Ka Nyalanang le Ene ka Botlhale

Solomone o ne a dira tshwetso e e seng botlhale ka go nyala basadi ba ba neng ba obamela medingwana (1Dk 11:1, 2; w18.07 18 ¶7)

Ka iketlo basadi ba ga Solomone ba ne ba mo tlhotlheletsa gore a se ka a ikanyega mo go Jehofa (1Dk 11:3-6; w19.01 15 ¶6)

Jehofa o ne a galefela Solomone (1Dk 11:9, 10; w18.07 19 ¶9)

Ditshwantsho: Kgaitsadi yo o sa nyalwang o dira thuto ya botho ebile o akantse ka mokaulengwe yo sa nyalang. 1. Mokaulengwe o a akgela kwa dipokanong. 2. O mo bodireding jwa phatlhalatsa. 3. O a thusa fa go baakangwa Holo ya Bogosi.

Lefoko la Modimo le gakolola Bakeresete gore ba nyalwe kgotsa ba nyale “mo Moreneng fela.” (1Bk 7:39) Mme gone, seno ga se reye gore fa a kolobeditswe o siametse kgotsa o tshwanelega go nna molekane wa gago wa lenyalo. A motho yo o batlang go nyalana le ene o tlile go go thusa gore o tswelele o direla Jehofa ka moya otlhe? A ditiro tsa motho yoo di bontsha gore o rata Jehofa? Ipheng nako ya go itsane sentle pele lo dumalana gore lo tla nyalana.