BOTSHELO JWA BOKERESETE

Etsa Lorato Lwa ga Jehofa Lo lo Sa Kgaotseng

Jehofa o re tlhometse sekao se se molemo sa go bontsha lorato lo lo sa kgaotseng. (Ps 103:11) Lorato loo, ga se maikutlo a nakwana kgotsa a a felang ka bonako. Lorato lo lo sa kgaotseng ke boikutlo jo bo kwa teng jo bo nnelang ruri. Jehofa o ile a bontsha gore o rata Baiseraele ka ditsela tse di farologaneng. O ile a ba golola mo bokgobeng kwa Egepeto a bo a ba isa kwa Lefatsheng le le Solofeditsweng. (Ps 105:42-44) O ile a ba lwela e bile o ne a nna a ba itshwarela fa ba ne ba mo leofela. (Ps 107:19, 20) Fa re nna re “sekaseka ka kelotlhoko ditiro tsa ga Jehofa tsa lorato lo lo sa kgaotseng,” re tla tlhotlheletsega go mo etsa.—Ps 107:43.

Ditshwantsho: Ditiragalo go tswa bidiong ya “Akanya ka Lorato lo lo Ikanyegang Lwa ga Jehofa.” 1. Mokaulengwe Tuelo le mokaulengwe yo mongwe ba etetse kgaitsadi mongwe kwa ntlong ya gagwe. 2. Mokaulengwe Tuelo o kwa kgolegelong le bakaulengwe ba bangwe mme o naya mokaulengwe yo o lwalang dijo.

LEBANG BIDIO YA “AKANYA KA LORATO LO LO IKANYEGANG LWA GA JEHOFA,” LO BO LO ARABA DIPOTSO TSE DI LATELANG:

Re ka bontsha lorato lo lo sa kgaotseng ka ditsela dife?

Your answer
Goreng re tshwanetse go intsha setlhabelo gore re bontshe lorato lo lo sa kgaotseng?

Your answer