O ka Bona Kae Kgakololo E e Ka Ikanngwang?

Mo lefatsheng leno le le fetofetogang ka bonako, o ka tlhatswega pelo jang gore ditshwetso tse o di dirang di tla go tlisetsa boitumelo? O ka tlhomamisega jang gore se se tsewang se siame gompieno, ga se kitla se tsewa se sa siama mo nakong e e tlang?

Baebele e ka go thusa gore o dire ditshwetso tse o se kitlang o di ikwatlhaela. Seo se ka kgonega jang? Baebele e tswa kwa Mmoping wa rona, mme o itse gore ke eng se se ka re tlisetsang boitumelo jwa mmatota le se se ka dirang gore re sireletsege.

Re ka ikanya botlhale jo bo mosola jo bo fitlhelwang mo Baebeleng. “Ka metlha [bo] ka ikanngwa, gone jaanong le ka bosakhutleng.”​—Pesalema 111:8.

Goreng o sa iphe nako ya go bala Baebele mme o bone gore e ka go thusa jang mo lefatsheng leno le le nnang le fetofetoga?