Dirisa Ditshupiso

Ditshupiso tse di mo Baebeleng ya Thanolo ya Lefatshe le Lesha di bontsha gore Baebele e a dumalana, ka gonne di go isa kwa ditemaneng tse dingwe tse di nang le tshedimosetso e e oketsegileng. Gore o bone ditshupiso, batla tlhaka e nnye fa thoko ga lefoko. Fa e le gore o dirisa Baebele e e printilweng, ya kwa kholomong e e fa gare o bo o batla tlhaka e nnye e e tshwanang le e e fa thoko ga lefoko go bona ditemana tse dingwe. Fa o dirisa jw.org kgotsa JW Library^®, tobetsa tlhaka e nnye e e fa thoko ga lefoko leo go bona ditemana tse dingwe.

Ditshupiso e ka nna tsa:

Dipego tse di tsamaisanang: Tshupiso eno e go isa kwa pegong e e tshwanang le e o e balang mme e le kwa bukeng e nngwe ya Baebele. Ka sekai, bona 2 Samuele 24:1 le 1 Ditiragalo 21:1.

Mafoko a a tserweng mo ditemaneng tse dingwe: Tshupiso eno e bontsha gore lefoko kgotsa polelwana nngwe e tserwe kae. Ka sekai, bona Mathaio 4:4 le Duteronome 8:3.

Boporofeti jo bo diragaditsweng: Tshupiso eno e go isa kwa ditemaneng tse di bontshang gore boporofeti jo o bo balang bo diragaditswe jang. Ka sekai, bona Mathaio 21:5 le Sekarea 9:9.