Dintlhakgolo Tsa Ngwaga o o Fetileng

Jehofa o ne a bontsha Esekiele ponatshegelo ya kara e e boitshegang ya kwa legodimong e e tshwantshetsang karolo e e sa bonaleng ya phuthego ya ga Jehofa. Le fa kara eno e le kgolo, e kgona go tsamaya ka bofefo e bile e kgona go fetola kwa e lebileng gone ka ponyo ya leitlho. (Esek. 1:15-28) Diphetogo tse di itumedisang tse di nnileng gone ngogola di bontsha gore karolo ya mo lefatsheng ya phuthego ya ga Jehofa Modimo le yone e gatela pele.