A Social Media e Tsenya Ngwanake mo Kotsing?​—Baebele e Naya Batsadi Kgakololo

“Basha ba tlhasetswe ke malwetse a tlhaloganyo mme re lemogile gore social media ke yone gantsi e bakang bothata joo.”​—Dr. Vivek Murthy, mookamedi wa dingaka kwa Amerika, New York Times, June 17, 2024.

Batsadi ba ka thusa bana ba bone jang go nna kelotlhoko fa ba dirisa social media? Baebele e ba naya kgakololo e ba ka e dirisang.

Batsadi ba ka dira eng?

Ba ka dirisa melaometheo eno ya Baebele.

“Yo o botlhale o akanyetsa kgato nngwe le nngwe e a e tsayang.”​—Diane 14:15.

Pele o ka letlelela ngwana wa gago go dirisa social media, tlhomamisa gore a ka kgona go laola nako e a e fetsang mo go yone, gore ga a na go lebelela sepe se se sa siamang le gore ga a kitla a itsalanya le batho ba ba sa siamang. E re ka o tlhaloganya dikotsi tsa go dirisa social media, o se ka wa ikutlwa o patelesega go letla ngwana wa gago go e dirisa fa o sa batle.

• Go ithuta mo go oketsegileng bala setlhogo se se reng, “Should My Child Use Social Media?” le se se reng “Teaching Your Teenager Social Media Safety.”

“Dirisa nako ya [gago] sentle.”​—Baefeso 5:16.

Fa e le gore o letla ngwana wa gago gore a dirise social media mo beele melao mme o mo thuse go tlhaloganya gore melao eo e tla mo thusa jang. Fa o lemoga gore ngwana wa gago o simolola go nna le mekgwa e o sa e tlwaelang seno se ka raya gore o ka tshwanela ke go fokotsa nako e a e fetsang mo social media.

• Lebelela bidio e e reng Dirisa Social-Network ka Botlhale le ngwana wa gago, go mo thusa go bona gore goreng re tshwanetse go nna kelotlhoko fa re dirisa social media.

Ithute mo go oketsegileng

Baebele e a re re tshela mo ‘dinakong tse di thata e bile di le kotsi.’ (2 Timotheo 3:1-5) Le fa go ntse jalo, e re naya kgakololo e e ka re thusang go di itshokela. Mo setlhogong seno se se buang ka malwetse a tlhaloganyo a a tlhasetseng basha, go na le tshedimosetso e e oketsegileng e e ka thusang batsadi le bana ba bone.