Ntlha e e Kwa Tlase

a Ka ntlha ya go lebelela ka tlhoafalo go tla gape ga ga Jesu, Basupi ba ga Jehofa ba ile ba supa dinako tse go ileng ga itshupa fa e se tsone. Ka ntlha ya seno bangwe ba ile ba ba bitsa baperofeti ba e seng bone. Lefa go le jalo, mo mabakeng ano otlhe, ga ba ise ba ko ba bolele gore ba bua dipolelelopele tseo mo ‘leineng la ga Jehofa.’ Ga ba ise ba ko ba re, ‘Ano ke mafoko a ga Jehofa.’ The Watchtower, e e leng lekwalodikgang la konokono la Basupi ba ga Jehofa, e ile ya re: “Ga re na mpho ya go perofeta.” (January 1883, tsebe 425) “Mme ebile ga re re mafoko a rona a sisimogwe kana a tsewe gore ga a na diphoso.” (December 15, 1896, tsebe 306) The Watchtower gape ile ya re go bo bangwe ba na le moya wa ga Jehofa “ga go reye gore bao ka nako eno eleng basupi ba ga Jehofa ba tlhotlheleditswe. Ga go reye gore mafoko a a mo makasineng ono wa The Watchtower a tlhotlheleditswe ebile ga a kake a nna le phoso le gore gape ga a na diphoso.” (May 15, 1947, tsebe 157) “The Watchtower ga e iphake gore se e se buang se tlhotlheleditswe, le fa e le gone gore se e se buileng ga se kake sa fetolwa.” (August 15, 1950, tsebe 263) “Bakaulengwe ba ba rulaganyang dikgatiso tseno ba ka dira diphoso. Mafoko a bone gaa a tlhotlhelediwa jaaka a ga Paulo le a bakwadi ba bangwe ba Bibela. (2 Tim. 3:16) Ka jalo, ka dinako tse dingwe go ile ga tlhokega gore go baakanngwe ditlhaloso, fa jaaka go ntse go sedifalela pele. (Dia. 4:18)”—February 15, 1981, tsebe 19.