Ntlha e e Kwa Tlase

e Ditekeletso tse di neng tsa dirwa tsa go fetola dijini di ne tsa bontsha gangwe le gape gore ga go direge thata gore go tlhage mofuta o mosha gotlhelele wa setshedi, mme ka metlha go aga go ntse go tlhaga mofuta o o tshwanang le o o kileng wa tlhaga pele. Go tswa mo go yone tiragalo eno Lönnig o ne a tlhama se a se bitsang “molao o o dirang gore setshedi se boele se tlhagise mofuta wa sone gape.” Mo godimo ga moo, go ne ga tlhophiwa palo e e kwa tlase ga peresente e le nngwe ya dimela tseno tse di tlhagisitsweng ka gore go fetolwe dijini tsa tsone gore go ye go dirwa dipatlisiso ka tsone, mme e ne e le palo e e kwa tlase ga peresente e le nngwe ya tse di tlhophilweng e go neng ga fitlhelwa e ka kgona go dirisiwa mo mebarakeng. Go fetolwa ga dijini mo diphologolong go ne ga tlhagisa matswela a a maswe thata go feta mo dimeleng, mme mokgwa ono o ne wa tlogelwa gotlhelele.