Ntlha e e Kwa Tlase

c Baithuti bangwe ba akantsha gore banna bano ba ne ba dirile ikano ya go nna Banasirite. (Dipa. 6:1-21) Ke boammaaruri gore Molao wa ga Moshe, o ikano eno e neng e dirilwe mo go one, jaanong o ne o sa tlhole o dira. Le fa go ntse jalo, Paulo a ka tswa a ne a ipolelela gore go ne go se phoso gore banna bano ba diragatse ikano e ba e diretseng Jehofa. Ka jalo, go ne go se kitla go nna phoso gore a duelele ditshenyegelo tsa bone a bo a tsamaye le bone. Ga re itse gore ikano eo e ne e le ya mofuta mang, mme gone le fa e ka tswa e ne e le efe, ga go bonale Paulo a ne a ka ema nokeng kgang ya gore phologolo e ntshiwe setlhabelo (jaaka Banasirite ba ne ba dira), ka tsholofelo ya gore se tla tlosa boleo jo banna bano ba neng ba na le jone. Setlhabelo se se itekanetseng sa ga Keresete se ile sa dira gore ditlhabelo tsa diphologolo di se ka tsa tlhola di nna le mosola. Ga re itse gore Paulo o ne a dira eng, mme gone re ka tlhomamisega gore ga a ka a dumela go dira sepe fela se se neng se sa dumalane le segakolodi sa gagwe.