Ntlha e e Kwa Tlase

c Polelwana e e reng go “fedisa magosi ano otlhe,” e e mo go Daniele 2:44 e kaya magosi, kgotsa mebuso ya lefatshe lotlhe, e e tshwantshediwang ke dikarolo tsa setshwantsho seo. Le fa go ntse jalo, boporofeti jwa Baebele jo bo tshwanang le joo bo bontsha gore ‘dikgosi tsa lefatshe lotlhe le le nang le banni’ di tla kopana mmogo go lwa kgatlhanong le Jehofa ka “letsatsi le legolo la Modimo Mothatayotlhe.” (Tshen. 16:14; 19:19-21) Ka jalo, ga se mebuso e e mo setshwantshong seo fela e e tla fedisiwang ka Haramagedona mme gape le mebuso yotlhe ya lefatshe leno.