LAEBORARI YA MO INTERNET
Watchtower
LAEBORARI YA MO INTERNET
Setswana
š
  • ê š ô Ê Š Ô
  • BAEBELE
  • DIKGATISO
  • DIPOKANO
  • Karolo 8: Go Thusa Moithuti go Kopanela le Phuthego
    Tirelo ya Bogosi—2005 | April
    • Karolo 8: Go Thusa Moithuti go Kopanela le Phuthego

      Go Tshwara Dithuto Tsa Baebele Tse di Gatelang Pele

      1. Ke ka ntlha yang fa go le molemo go tlotla ntlha e le nngwe ka phuthego ya ga Jehofa beke le beke fa o ithuta le motho Baebele?

      1 Boikaelelo jwa rona fa re tshwara dithuto ga se fela gore re rute motho dithuto tsa motheo mme gape ke gore re mo thuse go nna leloko la phuthego ya Bokeresete. (Seka. 8:23) Boroutšhara jwa Basupi ba ga Jehofa—Ke Bomang? Ba Dumela Eng? bo ka re thusa go dira jalo. Naya motho yo o ithutang le ene khopi ya boroutšhara jono, o bo o mo kgothaletse go bo bala. Mo godimo ga moo, dirisa metsotso e se mekae beke le beke mo thutong ya lona go mmolelela ntlha nngwe ka phuthego ya ga Jehofa.

      2. O ka kgothaletsa baithuti ba Baebele jang gore ba tle dipokanong tsa phuthego?

      2 Dipokano Tsa Phuthego: Tsela ya konokono e e tla thusang baithuti ba Baebele go anaanela phuthego ya Modimo ke fa ba kopanela le rona kwa dipokanong tsa phuthego. (1 Bakor. 14:24, 25) Ka gone, o ka nna wa simolola ka go mo tlhalosetsa ka dipokano tsa rona tse tlhano tse re di tshwarang beke le beke, o tlhalosa pokano e le nngwe ka nako. Mmolelele setlhogo sa puo ya phatlalatsa. Mmontshe dintlha tse go tla bong go tlotlwa ka tsone kwa Thutong ya Tora ya Tebelo le kwa Thutong ya Buka ya Phuthego. Mo tlhalosetse ka Sekolo sa Bodiredi sa Puso ya Modimo le ka Pokano ya Tirelo. Fa o na le kabelo kwa sekolong, gongwe o ka nna wa tlotla le ene ka yone. Tlotla le ene ka dintlha dingwe tse di kgatlhang tse go neng go tlotlwa ka tsone kwa dipokanong. Dirisa ditshwantsho tse di mo dikgatisong tsa rona go mo thusa go bona se se diregang mo go tsone. Lekgetlho la ntlha fela fa o simolola go ithuta le ene, mo laletse gore a tle dipokanong.

      3. Re ka tlotla ka dintlha dife malebana le phuthego eno?

      3 Fa Segopotso, dikopano, kgotsa ketelo ya molebedi wa potologo e atamela, dirisa metsotso e se mekae go mo tlhalosetsa ka tsone le go mo thusa go kgatlhegela dithulaganyo tseno. Fa nako e ntse e ya tlotla le ene ka dipotso tse di tshwanang le: Ke ka ntlha yang fa re bidiwa Basupi ba ga Jehofa? Ke ka ntlha yang fa re bitsa mafelo a re kopanelang mo go one re re ke Diholo Tsa Bogosi? Ditiro tsa bagolwane le batlhanka ba bodiredi ke dife? Tiro ya go rera le tshimo e re rerang mo go yone di rulaganngwa jang? Dibuka tsa rona di gatisiwa jang? Phuthego eno e tshegetswa jang ka madi? Ofisi ya lekala le Setlhopha se se Laolang ba na le seabe sefe mo go okameleng tiro eno?

      4, 5. Dibidio tsa rona di ka thusa motho jang go anaanela phuthego eno?

      4 Dibidio Tse di Rutang: Selo se sengwe se se ka thusang baithuti ba Baebele go tlhaloganya phuthego e ntlentle eno ya ga Jehofa ke dibidio tsa rona. Bidio ya To the Ends of the Earth e bontsha tiro e re e dirang mo lefatsheng lotlhe ya go rera; ya Our Whole Association of Brothers e bontsha mokgatlho wa rona wa lefatshe lotlhe wa bakaulengwe; mme ya United by Divine Teaching e bontsha kutlwano e e leng teng mo gare ga Basupi ba ga Jehofa. Mosadi mongwe yo o neng a sa bolo go nna a amogela dimakasine le dibuka tsa rona ka dingwaga di le tlhano o ne a tseega maikutlo tota fa a sena go bona bidio ya Jehovah’s Witnesses—The Organization Behind the Name. O ne a simolotse go tshepa Basupi ba ba neng ba mo etela, mme fa a sena go bona bidio eno, o ne a simolola go tshepa le phuthego. Basupi ba ne ba simolola go ithuta le ene, mme mo bekeng e e latelang a nna gone kwa Holong ya Bogosi.

      5 Ka go dirisa metsotso e se mekae beke le beke le batho ba re ithutang le bone mme re dirisa didirisiwa tse re di neilweng, re ka thusa baithuti ba Baebele ka iketlo go kopanela le phuthego e le nngwe e Jehofa a e dirisang gompieno.

  • Kafa re ka Buelelang Dimakasine ka Gone
    Tirelo ya Bogosi—2005 | April
    • Kafa re ka Buelelang Dimakasine ka Gone

      Tora ya Tebelo Apr. 15

      “Ke tshepa gore o tla dumalana le nna gore batho gompieno jaana ba na le tshedimosetso e ntsi thata go e aba. [Mo letle a ntshe maikutlo a gagwe mo ntlheng eno.] Le fa go ntse jalo, ga go na e e botlhokwa go feta e e tlhalosiwang mo temaneng eno. [Bala Johane 17:3.] Makasine ono o tlhalosa gore mafoko ‘botshelo jo bo sa khutleng’ a rayang, e bile o tla tlhalosa le gore re ka bona jang kitso eno e e isang botshelong jo bo sa khutleng.”

      Tora ya Tebelo May 1

      “Fa motho yo re mo ratang a swa, ka tlholego fela re eletsa go boa re mmona gape. A ga go jalo? [Mo letle gore a arabe.] Ba le bantsi ba ile ba gomodiwa thata ke se Baebele e se solofetsang ka tsogo. [Bala Johane 5:28, 29.] Makasine ono o tlotla ka ntlha eno ya gore tsogo ya baswi e tla tla leng le gore ke bomang ba ba tlileng go solegelwa molemo ke yone.”

      Tsogang! May 8

      “Le mororo Jesu Keresete a ka nna a bo a itsiwe go feta le fa e le mang yo mongwe, batho ba le bantsi ba sa ntse ba ipotsa gore totatota ke mang. A o ne o itse gore tota le bone baaposetoloi ba ga Jesu ba ne ba ipotsa yone potso eno? [Mo letle gore a arabe. Go tswa foo o bo o bala Mareko 4:41.] Makasine ono o tlotla ka se Baebele e se buang malebana le gore tota Jesu ke mang.”

      “Batsadi ba le bantsi ba kelotlhoko thata ka se ba letlang bana ba bone ba se bogela. A o go fitlhetse go le thata go batla dibaesekopo tse di tshwanelang tse balelapa la gago ba ka di lebelelang? [Mo letle gore a arabe. Go tswa foo o bo o bala Baefeso 4:17.] Makasine ono o tlotla ka ntlha eno ya gore batsadi ba ka thusa bana ba bone jang go tlhopha boitlosobodutu jo bo siameng.”

Dikgatiso Tsa Setswana (1978-2026)
Tswa
Tsena
  • Setswana
  • Romela
  • Tse O ka Di Tlhophang
  • Copyright © 2025 Watch Tower Bible and Tract Society of Pennsylvania
  • Melawana ya Tiriso
  • Molawana wa Tshireletsego
  • Di-setting Tsa Websaete
  • JW.ORG
  • Tsena
Romela