Ka Ntlha ya Thekololo go Tla Nna le Tsogo ya Baswi

Segopotso se re naya tshono e ntle ya go akanya ka masego a a tla nnang gone mo isagweng ka ntlha ya thekololo, jaaka tsogo ya baswi. Ga e ise e ko e nne maikaelelo a ga Jehofa gore batho ba swe. Ke gone ka moo go swelwa ke motho yo o mo ratang e leng selo se se utlwisang botlhoko go feta sengwe le sengwe. (1Bak 15:26) Jesu o ne a utlwisiwa botlhoko ke go bona barutwa ba gagwe ba lelela Lasaro. (Joh 11:33-35) E re ka botho jwa ga Jesu bo senola jwa ga Rraagwe ka botlalo, re ka tlhomamisega gore Jehofa le ene o utlwa botlhoko fa a re bona re lelela baratwa ba rona ba ba suleng. (Joh 14:7) Jehofa o tlhologeletswe nako e mo go yone a tla tsosang batlhanka ba gagwe mo losong, mme le rona re ka emela seo ka matlho a mahibidu.—Job 14:14, 15.

E re ka Jehofa e le Modimo wa thulaganyo, go a utlwala gore re dumele gore tsogo ya baswi e tla diragala ka thulaganyo. (1Bak 14:33, 40) Go na le gore go nne le diphitlho, gongwe go tla nna le meletlo ya go amogela ba ba tsositsweng. A o a tle o tlhatlhanye ka tsogo ya baswi, segolobogolo ka dinako tsa khutsafalo? (2Bak 4:17, 18) A o leboga Jehofa go bo a re neile thekololo le go bo a senotse mo Dikwalong gore baswi ba tla tshela gape?—Bak 3:15.

• O lebile pele go bona masika le ditsala dife?

• Ke batho bafe mo Baebeleng ba o lebileng pele go kopana le bone le go tlotla le bone?