Thapelo ya go Leboga

1. Jehofa o tshwanelwa ke pako,

Re go baka ka mantswe a rona.

Re ya go Jah, Moutlwi wa thapelo,

Re’ipaya mo tlhokomelong ya ’go.

Re go leofela ka nako tsotlhe;

Re kopa tshwarelo Mong wa rona.

Madi a Morwao a re golotse.

Re kopa gore o re thapise.

2. Go lesego ba o ba laletsang,

Mo ntlong ya gago gore’o ba rute.

’Foko la ’go le a re kaela.

Re batla go nna re go direla.

Wena Jehofa yo’o maatla otlhe,

Batho ba gago ba pelokgale.

Re galaletsa Bogosi jwa ’go.

Bo tla re busa ka bosakhutleng.

3. Re kopa o re neye boipelo;

Batho botlhe ba go obamele.

Puso ya ’go e molemo ruri,

E tla tlosa khutsafalo yotlhe.

Morwao o tla tlosa boikepo;

Go rene boipelo fatsheng lotlhe.

A re mmakeng rotlhe ka boipelo:

“Go bakwe Jah, Kgosi’e galalelang!”