Lorato lo Logolo lo lo Tswang Pelong

1. A re rateng go tswa pelong,

Ke moo lorato lo tswang teng;

A re bontsheng bakaulengwe

Lorato lwa nnete.

Re ba bontsheng ka ditiro

Gore ruri re’a ba rata,

Re etseng Mmopi wa rona

Re nneng peloephepa.

Re thuseng ba ba tlhokang,

Ka gore re ba bontshe ’rato;

A re nneng pelotshweu

Fa re tlelwa ke tshono.

Fa re amega ka batho

E bile re bontsha tlotlo,

Makoa ga re a senole.

Re bontshana lorato,

mme re nna ka kutlwano.

2. Fa re rata go tswa pelong,

Re diega go galefa;

Mme re tshepa bakaulengwe

Le go ba’itshwarela.

Ruri re tlhoka ditsala

Tse re tla di anaanelang.

Re kopaneng ka boipelo

Mme re kgothatsaneng.

Rotlhe re a leofa;

E bile re a kgopisana.

Mme a re nneng bonolo

Mme re itshwarelaneng.

Jah o rata batho botlhe,

A re bontshaneng lorato.

Ke lone lo re tlhaolang.

Re godisa Jehofa;

fa re ntse re mo etsa.