THUTO 13

Thusa Bareetsi go Dirisa Se ba Se Ithutang

Diane 3:21

KGANGKGOLO: Thusa bareetsi go tlhaloganya gore se o se buang se ba ama jang le kafa ba ka se dirisang ka gone.

Akanya ka bareetsi. Akanya ka lebaka la go bo ba tlhoka tshedimosetso eo le gore ke ntlha efe mo puong ya gago e e tla ba thusang thata.
Thusa bareetsi go lemoga se ba tshwanetseng go se dira. Mo puong ya gago, thusa moreetsi mongwe le mongwe gore a nne le boikutlo jwa gore, ‘Kgang eno e bua le nna.’ Fa o bua ka ntlha nngwe ya botlhokwa, thusa bareetsi go bona gore ba ka e dirisa jang. Se potologe, tlhamalatsa dintlha tsa gago.

Thusa bareetsi ba gago go tlhaloganya melaometheo ya Baebele mme o dira jalo ka lorato le ka tsela e e bontshang gore o tlhaloganya tsela e ba ikutlwang ka yone. Go na le go dira gore bareetsi ba ikutlwe molato, ba thuse go nonotsha tumelo ya bone le tsela e ba ratang Modimo ka yone, o tlhatswegile pelo gore ba tla dirisa dilo tse ba di ithutileng.